Fjalori

Rezultate në përkufizime për “zabërhan”

Mëso si ta përdorësh
<<< Kthehu te kërkimi kryesor në fjalor

PANDERSHËM

PANDÉRSH/ËM (i), ~ME (e) mb. 1. Që e ka humbur nderin, që i është nxirë faqja; që sillet e vepron pa turp, prapa krahëve a me mënyra të ulëta, jo të ndershme; kund. i ndershëm. Njeri i pandershëm. Grua e pandershme.
2. Që bëhet në kundërshtim me normat e moralit ose me mënyra të ulëta, jo të pastra e jo të ndershme. Punë (vepër) e pandershme. Sjellje e pandershme. Me rrugë të pandershme.
✱Sin.: i pander, i çndershëm, i paturp, i pamoralshëm, i pamoral, amoral, i amoralshëm, imoral, turpemadh, i poshtër, i paskrupull, faqezi, faqenxirë, i pacipë, i ndotë, i pandamus, udhëzi, lakander, lapërdhar, i ulët, lastrok, levarash, lerash, sharlatan, maskara, faqerrogoz, brimadh, i shtrembër, delenxhi, zabërhan, udhëzi.

ZABËRHAN

ZABËRHÁN,~I m. sh. ~Ë, ~ËT përb. Njeri i keq, i pacipë e jo i ndershëm, që sorollatet rrugëve kot; rrugaç, qen (zagar) rrugësh (sokaku, zorrësh). Zabërhan rrugësh!
✱Sin.: rrugaç, zgjebarak, pusht, zuzar, horr.

ZUZAR

ZUZÁR,~I m. sh. ~Ë, ~ËT 1. zool. Grerëz e madhe, që e bën folenë duke hapur vrimë të thellë në tokë.
2. shar. Ai që sillet kot rrugëve e bën punë të këqija, rrugaç; ai që fut hundët kudo; ai që shkon shumë pas grave; njeri i poshtër. - Ç'bën ashtu, more zuzar? Të vranë, or bir të vranë, / Dy të ligj e dy zuzarë. (folk.).
3. fig., keq. Njeri i pabesë; ai që i shërben verbërisht një tjetri për të përfituar prej tij; laro. - - S’ke gjak shqiptari, po gjak zuzari!
✱Sin.: rrugaç, i poshtër, laro, pusht, zabërhan, horr, maskara.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë