Fjalori

Rezultate në përkufizime për “xhezve”

Mëso si ta përdorësh
<<< Kthehu te kërkimi kryesor në fjalor

BISHTARAK

BISHTARÁK,~U m. sh. ~Ë, ~ËT 1. Rrip i ngushtë toke në skaj të një are a të një livadhi, që zgjatet si bisht në një anë; bishtare, bishtavel. I punoi me bel edhe bishtarakët e arës.
2. Pjesë e diçkaje që zgjatet a varet si bisht.
3. Doraku i parmendës, dorezë. Bishtaraku i parmendës.
4. Lloj fiku me bisht të gjatë, bishtës.
5. Xhezve. Bishtarak kafeje.
6. krahin. Zog bishtgjatë.

BISHTARAKE

BISHTARÁK/E,~JA f. sh. ~E, ~ET Xhezve për kafe. Bishtarake e vjetër.
✱Sin.: bishtarak, bishtore, bishtël, bishtëz, bishtile, kokme.

BISHTILE

BISHTÍL/E,~JA f. sh. ~E, ~ET Xhezve, bishtore.

BISHTORE

BISHTÓR/E,~JA f. sh. ~E, ~ET 1. Enë me bisht të gjatë; lugë e madhe me bisht të gjatë për të ndarë gjellën, bishtoke, qepshe, garuzhdë; xhezve. Bishtore gjelle. Ia mbushi bishtoren plot. Vëre bishtoren në zjarr.
2. Copë trualli si bisht në skaj të arës, bishtarak. I mbolli bishtoret me parmendë.
3. Nënbishte, barkonjë. I vuri bishtoren.

BISHTËL

BÍSHT/ËL,~LA f. sh. ~LA, ~LAT 1. Pjesa e bimës që bashkon gjethen, lulen e frytin me degën.
2. bot. Dardhë me bisht të gjatë, bishtje.
3. Xhezve me bisht të gjatë. Bishtël dyshe.

BISHTËZ

BÍSHTËZ,~A f. sh. ~A, ~AT 1. zvog. Bisht i vogël. Bishtëzat e gjetheve. Gjethe pa bishtëza.
2. Doraku i parmendës, dorës. Bishtëza e parmendës.
3. Xhezve për një kafe.
✱Sin.: dorak, dorës, dorashkë, bishtarak.

CEKE

CÉK/E,~JAI f. sh. ~E, ~ET Enë e cekët; xhezve e vogël sa një filxhan kafeje.

DYSH

DYSH,~E mb., bised. 1. Që përbëhet nga dy pjesë a njësi, që është një e tërë me dy pjesë ose me dy njësi. Tel dysh tel me dy fije. Pipëz dyshe pipëz me dy tyta. Gjilpërë dyshe. Koritë dyshe. Strofë dyshe (let.) strofë me dy vargje, dyvargësh.
2. Që ka përmasa ose vlerë prej dy njësish; që nxë dy njësi të caktuara; që është për dy veta. Dërrasë dyshe dërrasë e trashë dy centimetra. Xham dysh xham i trashë dy milimetra. Gozhdë dyshe gozhdë e gjatë dy centimetra. Xhezve dyshe xhezve për dy filxhanë kafe. Krevat dysh. Barkë dyshe.
3. Që bëhet a luhet nga dy veta; që bëhet ndërmjet dy vetave. Valle dyshe. Ushtrime dyshe. Pasime dyshe. sport.
✱Sin.: dyjar, çift, binjak, dynjak.

KOKME

KÓKM/E,~JA f. sh. ~E, ~ET 1. Enë e vogël prej balte të pjekur me një vjegë, që shërben për të pirë ujë ose lëngje.
2. Sasia e lëngut sa nxë kjo enë. Pi një kokme qumësht.
3. Kuti për të mbajtur kafe pluhur, sheqer etj. Mbush kokmen me kafe.
✱Sin.: sapllak, xhezve.

NJËARE

NJËÁRE mb., krahin. Njëshe. Xhezve njëare. Zile njëare. Dele njëare dele që ka vetëm një qengj.

NJËSH

NJË́SH,~E mb. Që merr vetëm një njësi, që nxë një njësi (zakonisht për enët); që është për një njeri. Xhezve njëshe. Barkë njëshe. Dhomë njëshe. Shtrat njësh. Fill njësh. Bllok njësh. Këngë njëshe këngë në një zë. Gur njësh (ndërt.) gur për qoshe muri.
✱Sin.: njëjar, njëfish, tek.

SAFË

SÁF/Ë,~A f. sh. ~A, ~AT Enë teneqeje a metali si gotë e madhe e me vegjë, e cila përdoret për të marrë ujë ose për të pirë. E mbushi plot safën. Piu një safë ujë. E mori qumështin me safë. I ruante safat e vjetra si relikte.
✱Sin.: sapllak, xhezve, kokme, kënaçe, kallaje.

TEK

TÉK,~E mb. 1. Që është vetëm për një njeri a për një send; që përbëhet nga një pjesë a nga një njësi e veçantë, që përmban a që nxë vetëm një pjesë, një njësi etj.; që është një i vetëm. Krevat tek. Dhomë teke. Xhezve teke. Valle teke. Kobure teke kobure me një fishek. Këpucë teke. Raki teke raki në një masë të caktuar.
2. mat. Që nuk plotpjesëtohet me dy; kund. çift. Faqe teke. Numër tek (1, 3, 5,7, 9, 11...).
3. Që shënohet me numrin një ose me një numër tjetër jo çift; kund. çift. Radhët (dhomat) teke radhët (dhomat) me numër tek.

TRESH

TRÉSH,~E mb. 1. Që përbëhet nga tre njerëz, nga tri qenie, nga tri ndarje (degë, pjesë) etj. Celulë treshe. Prizë treshe. Strofë treshe (let.) strofë me tri vargje. Rrap tresh rrap që ka tre çataj.
2. Që nxë tri njësi të caktuara. Xhezve treshe xhezve për tre filxhanë kafe.

TRESHE

TRÉSH/E,~JA f. sh. ~E, ~ET 1. Grup i përbërë nga tre njerëz, nga tri qenie, nga tri sende etj. Treshja e parë (e dytë e tretë). Treshja kryesore. Janë një treshe e famshme. Treshja e qendrës (sport.) Treshja mbrojtëse (sulmuese) (sport.). Treshe aeroplanësh. Treshe e pandarë. Grupi përbëhej nga një treshe muzikantësh. Treshja e humoristëve.
2. Xhezve që nxë tre filxhanë kafe. Vuri treshen në zjarr.
3. folk. Valle burrash, e cila luhet duke lëvizur tre hapa djathtas dhe tre hapa të tjerë më të vegjël (pothuajse në vend) djathtas-majtas. Vallëzuan treshen. Ia morën një tresheje.

TRISHKË

TRÍSHK/Ë,~A f. 1. Ëmbëlsirë me gjalpë dhe me sherbet e gatuar me tri masa miell, tri masa sheqer e tri vezë. Gatoi trishkë. I pëlqen trishka.
2. Xhezve për tre filxhanë kafe.

XHEZVE

XHÉZV/E,~JA f. sh. ~E, ~ET 1. Enë e vogël prej metali, me bisht të gjatë e zakonisht me grykë të ngushtuar, që përdoret për të bërë kafe, për të zier qumësht a vezë etj. Xhezve e madhe (e vogël). Xhezve njëshe (dyshe). Xhezve elektrike. Xhezve bakri (alumini). Bishti i xhezves. Vë xhezven në zjarr. Ziej në xhezve.

2. krahin. Gryka e kacekut nga del ajri për t’i fryrë zjarrit.

✱Sin.: bishtarake, bishtore, ceke, kokme.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë