Fjalori

Rezultate në përkufizime për “vyeshëm”

Mëso si ta përdorësh
<<< Kthehu te kërkimi kryesor në fjalor

AGJIL

AGJÍL,~E mb. Që është i shkathët, që i del zot shpejt e mirë një pune, që ka nismë, ide për një punë. Është agjil.
✱Sin.: i zhdërvjellët, i shkathët, i zellshëm, i vyeshëm, i lëvizshëm, i shpejtë, i gjallë, energjik, dinamik.

ARATAR

ARATÁR,~I m. sh. ~Ë, ~ËT Ai që punon arën, tokën, kopshtin; bujk, arëtar. Aratar i vyeshëm.

ATJEHE

ATJÉH/E,~JA f. Ata atje, ajo që është larg (vendi dhe njerëzit), të qenët larg. Atjehja janë më të vyeshëm. Atjehja nuk janë mikpritës si ne.

PASHPËRBLYESHËM

PASHPËRBLÝESH/ËM (i), ~ME (e) mb. 1. Që nuk paguhet, që bëhet pa pagesë; kund. i shpërblyeshëm. Punë e pashpërblyeshme.
2. fig. I dobishëm e i çmuar jashtë mase, që s’ka të paguar, që s’mund të shpërblehet kurrsesi. Shërbim i pashpërblyeshëm. Kujdes i pashpërblyeshëm.
✱Sin.: i çmueshëm, i çmuar, i dobishëm, i vyeshëm, i vyer.

SAMS

SAMS (i, e) mb. I zoti, e zonja. Ai djalë është i sams. Kishte gjetur një punëtor të sams.
✱Sin.: i zoti, i aftë, dorëdjathtë, dorëzënë, dorartë, duarflori, çallëstiar, kep, i hedhur, i shkathët, i vyeshëm.

VLEFSHËM

VLÉFSH/ËM (i), ~ME (e) mb. 1. Që ka vlerë, që hyn në punë, i çmueshëm, i dobishëm. Punë (vepër) e vlefshme. Gjë e vlefshme. Mendim i vlefshëm. Është i vlefshëm.
2. Që vlen, që i plotëson kërkesat e duhura, që pranohet. Ndeshje e vlefshme për Kupën e Republikës. Seminar (konferencë) e vlefshme.
3. zyrt. Që është bërë e plotësuar sipas rregullave dhe kërkesave të duhura; që ka vlerë të plotë e që pranohet si i tillë sipas ligjeve e rregullave në fuqi. Dokument i vlefshëm. Çek i vlefshëm. Fletëvotime të vlefshme.
✱Sin.: i vlershëm, i vlertë, i vyer, i vyeshëm, i çmueshëm, flori, xhevahir, i dobishëm.

VYEM

VÝE/M (i), ~ME (e) mb. I vyer, i vyeshëm. Djalë i vyem. Vajzë e vyeme.

VYER

VÝER (i, e) mb. I vlefshëm, i çmuar; i shtrenjtë. Libër i vyer. Mendim i vyer. Mësime të vyera. Përvojë e vyer. Tradita të vyera. Gjë e vyer. Bijtë me të vyer të popullit. Nga zbulimet arkeologjike u zbuluan shumë sende të vyera. Punë e vyer.
✱Sin.: i vyeshëm, i vlefshëm, i çmueshëm, i çmuar, i zoti.

VYESHËM

VÝESH/ËM (i), ~ME (e) mb. 1. I vyer. Vajzë e vyeshme. Bashkëpunëtor i vyeshëm.
2. Që është i zoti, i aftë për të bërë diçka dhe që e bën shumë mirë. Usta (mjeshtër) i vyeshëm. Punëtor i vyeshëm. Njeriu i vyeshëm nuk goditet (pajtohet) rrogëtar. (fj. u.).
✱Sin.: i vyer, i vlefshëm, i çmueshëm, i çmuar, i zoti.

VËJYER

VËJÝER (i, e) mb., vjet. I vyer, i vyeshëm.

ZOTI

ZÓTI (i), ZÓNJA (e) mb. 1. Që është i aftë për të bërë diçka; që e zotëron shumë mirë një profesion, një lëndë etj., që e kryen shumë mirë një punë; i shkathët, i fortë e trim. Punëtor (nxënës, specialist) i zoti. Djali i zoti. Mjeke e zonja. Është i zoti i punës (e zonja e punës). Është i zoti i gojës (i fjalës). Është shumë i zoti (shumë e zonja). Grua e zonja ka qenë e ëma dhe sa rroi, ndere pati. Kush është i zoti, s'i shkon zi moti. (fj. u.). Dita-ditës shkoi moti, mjerë ai që s’qe i zoti. (fj. u.). U nxi rrushi, u mbyll moti, mjerë ai që s’qe i zoti. (fj. u.).
2. keq. Që ka prirje për të bërë diçka të keqe, që s'e ka për gjë të bëjë një të keqe. I zoti për ngatërresa (për mashtrime).
3. si em. m. e f. Sipas kuptimeve të mbiemrit. I zoti e nxjerr farën prej gurit. (fj. u.). I zoti ia di pleshtit kërthizën. I zoti mbyll dymbëdhjetë dyer me një shul. (fj. u.). I zoti hyn në pus e del pa lagur. (fj. u.).
✱Sin.: i aftë, i fortë, i shkathët, dorëdjathtë, i vyeshëm, shqiponjë, vitore.
♦ Është (i zoti) i *gojës (dikush).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë