Fjalori

Rezultate në përkufizime për “vuloset”

Mëso si ta përdorësh
<<< Kthehu te kërkimi kryesor në fjalor

TAPOSET

►TAPÓS/ET jovep., ~ (u), ~UR vet. v. III 1. vetv. Zihet nga të gjitha anët, vuloset. Janë taposur gypat (shishet).
2. pës. e TAPÓS.
✱Sin.: vuloset, zihet, mbyllet, taposet, shtupohet.

TEJMBYLLET

►TEJMBÝLL/ET jovep., ~ (u), ~UR libr., vet. v. III 1. vetv. Mbyllet hermetikisht, vuloset, taposet, dylloset. Shishet, pasi mbushen, tejmbyllen.
2. pës. e TEJMBÝLL.

VULOSET

►VULÓS/ET jovep., ~ (u), ~UR vet. v. III 1. vetv. Mbyllet mirë; zihet vetë. Iu vulosën veshët. Iu vulosën hundët. U vulos mjalti në hoje. U vulos e çara e trungut të pemës. U vulos plaga, zuri dregëz.
2. pës. e VULÓS.
✱Sin.: vuloset, mbyllet, zihet, shtuposet, taposet.

VULOSJE

VULÓSJ/E,~A f. 1. Veprimi kur vulos a vuloset; kund. zhvulosje. Vulosja e shkresës. Vulosja e pasaportës. Vulosja e lejes. Vulosja e armës së gjahut.
2. Veprimi kur mbyllim diçka me tapë, me shtupë, kur e kalpëtojmë etj. Vulosja e shisheve. Vulosja e bucelën. Vulosja e veshëve me pambuk. Vulosja e varkës me shtupë.
4. Veprimi kur i vëmë vulën diçkaje në mënyrë të dukshme për ta dalluar; për t’i dhënë lejen për përdorim dikujt për diçka etj. Vulosja e kasafortës (e derës). Vulosja e drurëve të pyllit. Vulosja e armëve të gjahut. Vulosja e mishit. Vulosja e produkteve shtazore.
✱Sin.: damkim, damkosje, shënim, dyllosje, shtupim, zënie, taposje, mbyllje.

ZHVULOSET

►ZHVULÓS/ET jovep., ~(u), ~UR pës., vet. v. III e ZHVULÓS; kund. vuloset. Nuk mund të zhvuloset pa leje.

ZIHEM

►ZÍHEM jovep. ~ZURA (u), ~ZËNË 1. vetv. Grindem a rrihem me dikë; bëj fjalë me dikë. U zunë keqas. U zunë për hiçmosgjë. - Mos u zini kot! U zunë për pesë para spec (për mustaqet e Çelos). U turr të zihej. - Mos u zër me të, as me fjalë, se të fëlliq, aq ia pret atij. Zihen minjtë, kënaqet daci. (fj. u.). Po u zure me çezmën, mbetesh pa ujë. (fj. u.). As pula kam, as me dhelpra zihem. (fj. u.).
2. vetv. Kapem pas dikujt a pas diçkaje për t'u mbajtur ose për t'u mbështetur; kapem për dore a për krahu me dikë tjetër, rrokem. U zu pas degës (hekurit, karrikes). U zunë për dore (krahu). U zunë në valle hynë në valle të zënë dorë për dore. U zunë e u puthën mu te pragu, se kishin shumë vjet pa u parë e kishin mall të madh. (folk.). Edhe pas kashtës zihet ai që mbytet (fj. u.). S’zihet pleshti me dorashka. (fj. u.). Kali që zihet e shin lëmin. (fj. u.).
3. fig., vetv. Lidhem, bëhem mik me dikë, bëhem i afërt me të; lidhem për gjithnjë me dikë, U zunë shokë (shoqe). U zunë byrazerë. U zunë për martesë. Që nga ajo ditë u zu me djalin me yll në ballë e u martua me të. (folk). Gjarpri nuk zihet mik. (fj. u.).
4. vetv., vet. v. III Fillon, nis. U zu lufta. Puna u zu që kur u zu bota. (fj. u.).
5. vetv., vet. v. III Mbin, trevon, mbarset, merr; formohet, ngjizet. - Kalemi i ftoit në shegë nuk u zu. U zu me barrë. U zu pjella.
6. vetv., vet. v. III Mpikset, ngjizet, vjen (me farë, me maja etj.). U zu kosi. Zihet brumi. - Kur brumi nis të zihet, e heqim nga magjja. Pa brumë nuk zihen kuleçët. (fj. u.).
7. bised., vetv. Përmirësohem nga gjendja ekonomike, filloj ta marr pak veten. U zu ca.
8. vetv., vet. v. III Njihet, llogaritet, numërohet, merret parasysh, quhet e drejtë, vlerësohet si e dobishme. Kjo lojë nuk zihet.
9. vetv., vet. v. III Mbushet me diçka e mbyllet, nuk është i lirë; vështirësohet kalimi i zakonshëm i diçkaje, ngec, bllokohet. Iu zunë hundët. Iu zu fryma. Iu zu zëri. Iu zu buka në fyt. S’zihen të gjitha vrimat e gardhit! (fj. u.). Shkoi të zërë zogj, po u zu në leqe. (fj. u.). Majmuni nuk zihet në lak. (fj. u.).
10. vetv., vet. v. III Mbulohet tërësisht a pjesërisht. U zu dielli (hëna). Pa u zënë dielli ende plotësisht nga retë, e shkrepi aparatin fotografik. Nuk zihet (nuk mbulohet) dielli me plisa (me shoshë). (fj. u.).
11. pës. e ZË. Majmuni nuk të zihet më lak. (fj. u.).
✱Sin.: grindem, keqem, hahem, shamatohem, ngatërrohem, kapem, mbërthehem, kacafytem, rrokem, zaptohem, përqafohem, pushtohem (me dikë), qepem, mbahet, qëndron, ngec, mbyllet, mbushet, bllokohet, mbulohet, plotësohet, vuloset, taposet, fillon, nis, pllakoset, vishet, mbulohet, lidhem, njihet, quhet, vlerësohet, numërohet, llogaritet, mbin, trevon, mbarset, ngjizet pikset, vjen,
♦ U zu (u kap) për *fyti me dikë. U zu (u kap) për *gryke (me dikë). Është zënë në *mulli (dikush) tall.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë