Fjalori

Rezultate në përkufizime për “vrumbullitje”

Mëso si ta përdorësh
<<< Kthehu te kërkimi kryesor në fjalor

GUMËZHIMË

GUMËZHÍM/Ë,~A f. sh. ~A, ~AT 1. Zhurma që bëjnë kandrrat (bleta, grerëza etj.) kur fluturojnë. Gumëzhima e bletës (e arëzës).
2. Zhurmë e ngjashme me atë që bëjnë bletët, arëzat etj. kur fluturojnë; uturimë. Gumëzhimë shurdhuese. U ndie gumëzhima e një salle. Dëgjohej gumëzhima e valëve. Pushoi gumëzhima.
✱Sin.: gumëzhim, gumëzhitje, vrumbullimë, vrumbullitje, zukatje, zukamë, zhuzhitje, zhuzhurimë, zhuzhuritje, zhurmërimë, uturimë.

ULËRITJE

ULËRÍTJ/E,~A f. sh. ~E, ~ET Veprimi kur ulërin dikush ose diçka. Dëgjonte ulëritjet e fëmijëve..
✱Sin.: vrumbullitje, ulërimë.

VRUMBULLIMË

VRUMBULLÍM/Ë,~A f. sh. ~A, ~AT 1. Zë i thellë e i zgjatur si ulërimë, që nxjerrin disa kafshë si ujku, luani etj.; ulërimë. Vrumbullima e luanit. Një lukuni ujqërish si në kor lëshonin një vrumbullimë të stërzgjatur. Vrumbullima e qenit nuk kishte të pushuar.
2. Gumëzhima e bletës. Vrumbullima e bletëve. Vrumbullima e bletëve oshëtinte deri larg.
3. Zhurma e mbytur që bën uji kur përplaset nëpër gurë; buçimë. Vrumbullima e ujit. Vrumbullima e detit. Valët e detit përplaseshin me vrambullimë.
4. Zhurmë e mbytur prej shumë zërash që bëjnë njerëzit, e ngjashme me zhurmën e bletëve, gumëzhinë. Vrambullima e njerëzve. Vrambullima e trurmës. Bënin zhurmë me vrambullimë si vrambullima e bletëve.
✱Sin.: ulërimë, gumëzhimë, buçimë, vrumbullitje, buçitje.

VRUMULISJE

VRUMULÍSJ/E,~A f. sh. ~E, ~ET Vrumbullitje.

ZHUZHURIMË

ZHUZHURÍM/Ë,~A f. sh. ~A, ~AT 1. Zhuzhitja e zjarrit, e ujit që valon, e druve që digjen etj. Zhuzhurima e zjarrit. Zhuzhurima e druve që digjen.
2. Zhurma e zgjatur që bëjnë kandrrat kur fluturojnë, zhuzhitje. Zhuzhurima e gjinkallave (e bletëve).
✱Sin.: zhuzhuritje, zhuzhitje, gumëzhimë, vrumbullimë, vrumbullitje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë