Fjalori

Rezultate në përkufizime për “vreshtari”

Mëso si ta përdorësh
<<< Kthehu te kërkimi kryesor në fjalor

BALLAFAQOHEM

►BALLAFAQÓHEM jovep., ~ÓVA (u), ~ÚAR 1. vetv. Vihem ballë për ballë me një tjetër për të nxjerrë në shesh të vërtetën rreth pohimeve të bëra, bëj ballafaqimin me dikë; drejt. dal para hetuesisë e merrem në pyetje para një të pandehuri a një dëshmitari për të gjetur kundërshtimet në pohimet dhe për të zbuluar të vërtetën; syzohem, ndërsynohem. Jam gati të ballafaqohem. U ballafaquan para trupit gjykues. Ballafaquan të pandehurin me dëshmitarët. Ballafaqohen dy vetë.
2. vetv. Vihem ballë për ballë me një tjetër për t'u krahasuar me të dhe për të përfituar nga përvoja e tij a për t'i dhënë përvojën time. Do të ballafaqohemi me më të mirët në vreshtari.
3. vetv. I vihem ballë për ballë dikujt si kundërshtar, i qëndroj kundër dikujt a diçkaje. Jemi ballafaquar shumë herë me armiqtë.
4. vetv. Ndodhem përballë vështirësish, pengesash etj. dhe përpiqem t’i kapërcej. U ballafaquan me motin e keq. Ballafaqohemi me vështirësitë. Mund të ballafaqohemi me ndonjë qëndrim të ashpër.
5. pës. e BALLAFAQÓJ3.
✱Sin.: krahasohem, përqasem, përballem, përballohem, përplasem, syzohem, syndërsohem, ndërsynohem.

SKRAPARLI

SKRAPARLÍ,~E mb., bised. Skraparas. Takova një mik skraparli. Burrat skraparlinj merren shumë edhe me vreshtari. Kam një shoqe skraparlie.

VITIKULTURË

VITIKULTÚR/Ë,~A f. 1. Kultura e hardhisë, vreshtari. Zhvillimi i vitikulturës.
2. Degë e shkencës bujqësore (agronomisë), e cila merret me studimin, kultivimin, rritjen dhe prodhimin e rrushit, ajo gjithashtu përfshin kultivimin e llojeve të tjera të bimëve të gjinisë së hardhive të rrushit.

VRESHTARI

VRESHTARÍ,~AII f. Degë e agronomisë që merret me shtimin, me përhapjen dhe me mbarështimin e vreshtave, me prodhimtarinë dhe me efektshmërinë ekonomike të tyre, kultura e hardhisë, mjeshtëria e vreshtarit, vitikulturë. Zhvillimi i vreshtarisë. Merret me vreshtari. Prodhimi vjetor i vreshtarisë në Shqipëri. Marrin prodhime të larta nga vreshtaria. Kultivimi i vreshtarisë. Kultivimi i vreshtarisë tashmë është kthyer në një biznes në rritje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë