Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
HÉLMËT (i, e) mb. 1. Që ka helm, që përmban lëndë helmuese; helmues. Bimë (lule) e helmet. Farë e helmët. Lëng (gaz) i helmët. Flutur e helmët.
2. edhe fig. Shumë i hidhur; që të hidhëron shumë, që ta bën zemrën vrer; që të vret shpirtërisht. Pelin i helmët. I helmët si vrer. Fjalë të helmëta. Dhimbje e helmët. Mendim i helmët.
3. fig. I hidhëruar shumë, i pikëlluar. Me shpirt të helmët.
✱Sin.: i vrertë, helm, i hidhur, helmues, i hidhëruar, i pikëlluar.
INATÓSUR (i, e) mb., bised. 1. Që ka humbur gjakftohtësinë, durimin etj., i zemëruar, i nxehur. Fliste (thërriste) i inatosur. Ishte i inatosur. E pashë të inatosur.
2. Që shpreh pakënaqësi, zemërim, urrejtje, armiqësi etj.; që shpreh inat, me inat. Britmë e inatosur. Zë i inatosur. Fytyrë e inatosur.
3. si em. m. e f. Sipas kuptimeve të mbiemrit. Të revoltuarit e të inatosurit.
✱Sin.: i zemëruar, i tërbuar, i vrertë, i nxehur, i hidhëruar, i nevrikosur.
NXÉHUR (i, e) mb. 1. Që i është ngritur shumë temperatura. Ujë i nxehur. Hekur i nxehur. - Kujdes nga soba e nxehur!
2. fig. Që është nxehur shumë, i zemëruar, i inatosur. Ishte shumë i nxehur me fëmijët.
✱Sin.: i djegur, i ngrohur, i skuqur, i nevrikosur, i zemëruar, i shkumëzuar, i tërbuar, i vrertë, i inatosur.
PIKËLLÚAR (i, e) mb. Shumë i hidhëruar, i helmuar. Prind i pikëlluar. Nënë (motër) e pikëlluar. Ishte shumë i pikëlluar (nga vdekja e nënës). Qante e pikëlluar.
✱Sin.: i pikërruar, i pikët, i brengosur, i hidhëruar, i helmuar, i helmatisur, helm, i helmët, i athëtuar, i vrerosur, vrer, i shastisur, i dëshpëruar, i plagosur, i plasur, pikërënë, zemërplagosur, zemërvrarë, zemërplasur, zemërpërvëluar, zemërbrengosur, zemërdjegur, zemërndrydhur, zemërthyer, zemërnxirë, zemërsfilitur, zemërzhuritur, shpirtvrarë, shpirthelmuar, shpirtplagosur, shpirtbrengosur, shpirtzbrazur, i mjeruar, buzëplasur, buzëçarë, buzëqarë, buzëdjegur, buzëpërvëluar, buzëpjekur, buzëvrer, buzëkyçur, kokulur, i trishtuar, i rrushkulluar, i tronditur, i zhuritur, i vrarë, i vrertë, i lënduar, i djegur, i përvëluar, i shajtuar.
VRERÓSUR (i, e) mb. Që është shumë i hidhëruar, i pikëlluar, i helmuar. Me fytyrë të vrerosur. Jetë e vrerosur. Ishte (foli, rrinte, erdhi) i vrerosur.
2. fig. Që të helmon, që të lëndon thellë në shpirt, që është plot vrer. Fjalë të vrerosura. Shigjeta (sulme) të vrerosura.
✱Sin.: i vreruar, i vrertë, i hidhëruar, i pikëlluar, i helmuar, i dëshpëruar.
♦ Me zemër (me *shpirt) të vrerosur.
VRÉRTË (i, e) mb. 1. Që ka helm, i helmët, i helmuar. Shigjetë e vrertë. Bimë e vrertë. Disa lloje kërpudhash nuk janë të ngrënshme sepse janë të vrerta. Ushqim i vrertë.
2. fig. Shumë i zymtë e i ngrysur; shumë i hidhëruar, i pikëlluar, i helmuar, shumë i zemëruar, plot urrejtje. Me fytyrë të vrertë. Me zemër të vrertë. Vështrim i vrertë.
✱Sin.: i helmët, helmues, i vrerosur, i zymtë, i helmuar, i hidhëruar.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë