Fjalori

Rezultate në përkufizime për “vrasi”

Mëso si ta përdorësh
<<< Kthehu te kërkimi kryesor në fjalor

AVANI

AVANÍ,~A f. Të qenët mizor, i pamëshirshëm, gjakatar. Avani e paparë. Avania e luftës. Bënë avani.
✱Sin.: mizori, egërsi, kërdi, pamëshirësi, tmerrësi, barbari, tirani, vrasi.

GJAKTIM

GJAKTÍM,~I m. sh. ~E, ~ET 1. Veprimi kur gjaktoj a gjaktohem; rrjedhje gjaku; gjakosje. Panë me sy atë gjaktim.
2.Vrasje njëra pas tjetrës; gjakderdhje. Gjaktim i madh.
✱Sin.: vrasi, përgjakje, gjakësi, kërdi.

MASAKËR

MASÁK/ËR,~RA f. sh. ~RA, ~RAT 1. Vrasje e therje e njerëzve të pambrojtur në masë dhe në mënyrë mizore; shfarosje në masë; kasaphanë, kërdi, mizori. Masakër e madhe (e shëmtuar). Masakrat e fashistëve. Bëri masakra.
2. fig. Dëm i madh që i bëhet diçkaje, shkatërrim a gjymtim i rëndë i diçkaje. Masakër elektorale.
✱Sin.: vrasje, therje, kasaphanë, kërdi, mizori, vrasi, masakrim, gjakderdhje, dëm.

POGROM

POGRÓM,~I m. sh. ~E, ~ET libr. Ndjekje dhe vrasje në masë, nga qeveri apo nga forca shoviniste kundër pakicave kombëtare, fetare e racore. Pogrome kundër çifutëve (kundër zezakëve).
✱Sin.: vrasi, vraçi, kërdi.

VRARË

VRARË,~T (të) as. Vrasje, vrasë, vrasi. Qëllimi i tij nuk ishte të vrarët. Ai qëllon mirë në të vrarët e shenjit.
✱Sin.: vrasje, vrasë, vrasi.

VRASI

VRASÍ,~A f. sh. ~, ~TË Vrasje; vrasje të shumta a njëra pas tjetrës, vrasje në masë. Bënë vrasi. Vrasi e madhe. Vrasia e pushtuesit ishte e pamëshirshme.
✱Sin.: vrasje, gjakderdhje, masakër.

VRASJE

VRÁSJ/E,~A f. sh. ~E, ~ET 1. Veprimi kur vras a vritem. Vrasje me armë. Vrasje për hakmarrje. Vrasje me të pabesë. Vrasje pa (me) dashje. Vrasje në masë. Bënte vrasje vriste. Shpëtoi nga vrasja. U bë vrasje e madhe u vranë shumë veta, u bë gjak i madh. Vrasja e njerëzve të pafajshëm. Vrasja e kafshëve është e ndaluar me ligj.
2. Pjesa e parë e emërtimeve për lloje të ndryshme vrasjesh. Vrasje mizore mënyrë e rëndë dhe brutale e kryerjes së vrasjes duke i shkaktuar viktimës dhembje, torturë dhe vuajtje fizike ose psikike. Vrasje e paramenduar vrasje për të cilën autori është menduar dhe e ka planifikuar (shoshitur) mirë që më përpara; e që është bërë me paramendim. Vrasje në afekt vrasje e kryer në gjendje të tronditjes së fortë mendore. Vrasje nga pakujdesia vrasje aksidentale. Vrasje pa paramendim vrasjes por e paqëllimshme e një personi tjetër; vrasje për të cilën autori nuk është menduar dhe nuk e ka planifikuar (shoshitur) mirë që më përpara, por është pasojë e një situate të krijuar aty për aty. Vrasje e privilegjuar konsiderohen si të privilegjuara, ose forma të lehta të vrasjeve. këto tri lloje të vrasjeve: vrasje e kryer në gjendje të afektit mendor, vrasje nga pakujdesia dhe vrasja e foshnjës gjatë lindjes.
3. Veprimi kur dikush është goditur me diçka dhe ka dëmtuar një pjesë të trupit dhe i është bërë një plagë a vurratë. Vrasja e krahut (dorës, syrit).
3. Veprimi kur është goditur nga vrasa, vrugu dhe është kalbur (për pemët, perimet), etj. Vrasja e mollëve. Vrasja e frutave. Vrasja e gjetheve. Vrasja e perimeve. Vrasja e gjelbërimit.
4. bised. Shtytje e madhe e shumë njerëzve, që e shtrëngojnë keq njeri-tjetrin. Ishte vrasje e madhe. Ishte vrasje për bileta sporti.
5. bised. Çdo rast kur vritet dikush. Numri i vrasjeve.
6. fig. Gjendja kur lëndojmë a pikëllojmë dikë duke e prekur thellë në ndjenja a në sedër a kur lëndohemi e pikëllohemi. Vrasja e shpirtit. Vrasja e ndërgjegjes. Vrasja e mendjes.
✱Sin.: vrasë, vrasi, vrarje, pushkatim, kërdi, kasaphanë, masakër, gjakderdhje, gjakësi.

VRAÇI

VRAÇÍ,~A f. Vrasje masive, vdekje në masë; kërdi; kasaphanë; shfarosje. Aty u bë vraçi. Vraçi e madhe. Vraçi e paparë a e pa dëgjuar ndonjëherë. Vraçi e luftës. Bëri vraçi kolera (malarja).
✱Sin.: kërdi, kasaphanë, plojë, gjakderdhje, vrasi, hekatombë, shfarosje.

VRAÇIM

VRAÇÍM,~I m. 1. Veprimi kur vraçoj a vraçohem; kërdi; kasaphanë. Vraçim i madh. Vraçim mizor. Vraçim i njerëzve të pafajshëm. Vraçimi i kafshëve (i qenve).
2. Gjendja kur vraçoj në masë. Vraçim i rëndë. Vraçim i paparë. Vraçim në numër të madh.
✱Sin.: vrasi, masakrim, kërdi, kasaphanë, gjakderdhje, shfarosje.

VRITË

VRÍT/Ë,~A f. sh. ~A, ~AT Vrasje, vrasë, vrasi, vrarje. Vritë e keqe. U hyri vrita mes tyre.
✱Sin.: vrasë, vrasi vrasje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë