Fjalori

Rezultate në përkufizime për “vranësi”

Mëso si ta përdorësh
<<< Kthehu te kërkimi kryesor në fjalor

KTHJELLTËSI

KTHJELLTËSÍ,~A f. sh. ~RA, ~RAT 1. Të qenët i kthjellët (për qiellin a motin); kund. vrenjtësi, vranësi. Kthjelltësia e qiellit. Do të ketë kthjelltësira.
2. fig. Qartësi.
✱Sin.: kthjellim, qartësi.

LYESHËM

LÝESHËM ndajf. Me pak re, me pak vranësi (për motin). Koha ishte lyeshëm, me disa re të shpërndara në qiell.

VRANËSI

VRANËSÍ,~A f. sh. ~, ~TË 1. Gjendja kur koha është e vrenjtur, të qenët e vrenjtur; vranësirë. Vranësia e ditës (e kohës). Kanë hyrë disa vranësi në qiell.
2. fig. Të qenët i vrenjtur në fytyrë, i zymtë, i ngrysur. Vranësia e fytyrës. Fytyrën ia mbuloi një vranësi.

VRANËSIRË

VRANËSÍR/Ë,~A f. sh. ~A, ~AT Mot i vrenjtur por pa shi; gjendja kur koha është e vrenjtur, vranësi; zakon. sh. tufa resh që veshin qiellin. Vranësirë e plotë (e lehtë). Vranësira në kalim. Ditë me vranësirë. Kohë (mot) me vranësira të ndryshueshme.
✱Sin.: vranësi, vrenjtësirë, zymtësi, zymti.

VRANËT

VRÁNËT,~A (e) f. sh. ~A, ~AT (të) 1. Të qenët i vrenjtur (për motin, kohën), vranësirë, vranësi, vrenjtësirë. Janë disa të vranëta në qiell.
2. E zeza e syrit që e mbulon të tërin kur njeriu është gati për të vdekur. I futi sytë në t’vranta po vdes.
✱Sin.: vranësirë, vranësi, vrenjtësirë.

ZYMTËSI

ZYMTËSÍ,~A f. 1. Të qenët i zymtë, vetia e diçkaje të zymtë. Zymtësia e natës (e territ). Zymtësia e filmit. Zymtësi e padepërtueshme. Ndjesi që sjell dimri me zymtësinë e vet.
2. fig.Të qenët i ngrysur, i trishtuar e i brengosur; të qenët pa gëzime e plot trishtim. Zymtësia e fytyrës. Zymtësia e shpirtit. Zymtësi shpirtërore. Zymtësia e së kaluarës (e jetës). Mbizotëronte zymtësia. Nuk po e gjente dot shkakun e kësaj zymtësie. S’po e kuptonim se nga i vinte gjithë kjo zymtësi mësuesit, që kish qenë gjithnjë i qeshur me ne. Ai thotë se zymtësia vret njerëzit.
3. fig. Të qenët i paqartë, i errët e i turbullt. Zymtësia e ngjarjeve (e rrethanave).
✱Sin.: zymti, zymtim, trishtim, brengosje, ngrysje, vrenjtje, vranësi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë