Fjalori

Rezultate në përkufizime për “vozitës”

Mëso si ta përdorësh
<<< Kthehu te kërkimi kryesor në fjalor

AUTOMOBILIST

AUTOMOBILÍST,~I m. sh. ~Ë, ~ËT 1. sport. Pjesëmarrës në garat sportive me automobil, ai që merret me automobilizëm, garues në automobilizëm. Automobilisti me medalje të artë.
2. vjet. Ai që drejton një automjet, shofer, ngasës i automobilit. Automobilist i shkathët.
✱Sin.: ngasës, shofer, vozitës.

LUNDËRTAR

LUNDËRTÁR,~I m. sh. ~Ë ~ËT Ai që nget lundrën, ai që lundron. Lundërtarët e rinj nuk ishin përshtatur me ekipin.
✱Sin.: lundrar, barkar, vozitës, trapar, rremtar, lopatar, barkëtar.

NGASËS

NGÁSËS,~I m. sh. ~, ~IT 1. Ai që bezdis e që ngacmon të tjerët me dorë etj., provokues, ngacmues, tundues, gërgasës. Ngasës dinak.
2. edhe fig. Ai që të shtyn a të nxit të bësh diçka, shtytës, ngacmues, cytës. Paragjykimet janë ngasësit e parë të njerëzve për veprime. Ndjekim udhëtimin ngasës të autorit drejt qytetit të lindjes.
3. fig. Joshës. Ishte një ngasës i keq.
4. fet. Tundues për mëkat. Ngasësi për mëkat.
5. libr. Ai që nget një mjet a një kafshë; shofer, vozitës. Policia gjobiti dy ngasës të automjeteve (të veturave). Identifikohet vetura dhe ngasësi. Biçikleta ka sensorë në pjesën e pasme që e njoftojnë ngasësin nëse ndonjë makinë i afrohet më shumë. Ngasësit e skuterave bëjnë shpesh gabime.
✱Sin.: ngacmues, provokues, bezdisës, shtytës, tundues, gërgasës, prekës, çikës, shqetësues, mashtrues, joshës, epshndjellës, shofer, vozitës, kalorës, karrocier.

PABINDSHËM

PABÍNDSH/ËM (i), ~ME (e) mb. Që nuk është i bindshëm; i pabindur, i padëgjueshëm. Vozitës i pabindshëm ndaj rregullave. Djalë i pabindshëm. Mosmirënjohës i pabindshëm.

RREMTAR

RREMTÁR,~I m. sh. ~Ë, ~ËT Ai që nget barkën me rrema; lundërtar. Rremtar i zoti. Mësonte nga rremtarët e vjetër.
✱Sin.: lundrar, barkar, vozitës, trapar, lopatar, barkëtar.

VELËZUES

VELËZÚES,~I m. sh. ~, ~IT Ai që bën udhëtim me varkë ose me anije me vela. Varka nuk mund t’i mbante njëherësh të gjithë ata velëzues. Shumë velëzues ishin turistë të huaj.
✱Sin.: lundrues, vozitës, pluskues.

VOZAR

VOZÁR,~III m. sh. ~Ë, ~ËT Ai që ndjek varkën, vozitës, lundërtar. Janë vozarë të zotë.
✱Sin.: vozitës, lundërtar, barkëtar.

VOZITËS

VOZÍTËS,~I m. sh. ~, ~IT 1. Ai që nget barkën, lundrën, lundërtar. Garat e vozitësve. Është vozitës i ri. Është vozitës pa përvojë.
2. Ai që nget dhe e drejton një mjet transporti gjatë ecjes; shofer. Është vozitës i kujdesshëm i automjetit. Vozitës i taksisë.
3. bised. Ai që mbart a transporton diçka vetë ose me një mjet si karrocë, biçikletë, makinë, etj. Vozitës i karrocës (vagonit). Prej shumë vitesh ka vozitë vagonët në minierë. Vozitës i druve për në shtëpi.
✱Sin.: lundërtar, lundrar, barkar, barkëtar, trapar, rremtar, lopatar, shofer.

VOZITËSE

VOZÍTËS/E,~JA f. sh. ~E, ~ET Ajo që nget barkën, lundrën, lundërtare. Është vozitëse amatore e varkës. Vozitëse pa përvojë.
2. Ajo që nget dhe e drejton një mjet transporti gjatë ecjes. Është vozitës e re e automjetit.
✱Sin.: lundërtare, barkëtare, shofere.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë