Fjalori

Rezultate në përkufizime për “vovë”

Mëso si ta përdorësh
<<< Kthehu te kërkimi kryesor në fjalor

BUBË

BÚB/Ë,~AII f. sh. ~A, ~AT 1. mit. Qenie fantastike që përfytyrohej si përbindësh a si gjarpër i madh, me të cilin trembnin zakonisht fëmijët e vegjël; gogol, vovë. E fryftë buba! (mallk.). U bë bubë (dikush) u bë tmerri i të tjerëve, u bë gogol për dikë. - Mos i trembni fëmijët me buba e me vova!
2. etnogr. Dordolec për të trembur zogjtë në ara të mbjella; gogolesh.
3. etnogr., euf. Babai (kur emri i babait përdoret për t’i trembur fëmijët a për t’i vënë në gjumë). - Fli (rri urtë), se erdhi buba!

GOGOL

GOGÓL,~I m. sh. ~Ë, ~ËT 1. Figurë e përrallave popullore, e përfytyruar si një qenie e tmerrshme, me të cilën trembin fëmijët.
2. Dordolec.
3. fig. Diçka që paraqitet me qëllim si e tmerrshme a si shumë e vështirë. E bëri gogol.
✱Sin.: bubë, vovë, gogozhel, bubazhel, div, përbindësh, lutran, gaxhorr, dordolec.
♦ U bë gogol (dikush a diçka) u bë i tmerrshëm për dikë; u bë bubë; iu bë ferra Brahim (dikujt). Ma bëri gogol (dikë a diçka) ma paraqiti si të tmerrshëm, të egër a të rrezikshëm; ma paraqiti si shumë të vështirë, të rëndë e të papërballueshëm; ma bëri bubë.

TRASHALKË

TRASHÁLK/Ë,~A f. sh. ~A, ~AT etnogr. Personazh i përrallave popullore, qenie mitologjike që tremb fëmijët; gogol, bubë. - Ç’u bë topi? - E mori trashalka.
✱Sin.: gogol, bubë, vovë.

VOVË

VÓV/Ë,~I m. sh. ~Ë, ~ËT 1. mit. Vampir, lugat, gogol. Nuk tremben fëmijët as me vovë as me gogol. Kësaj i thonë jo vovë, por gogol e njëjta gjë, njëlloj.
2. fig. Ai që ka një dëshirë të tepruar për të bërë diçka; që ka një mani, maniak. Ai vovi i ka do (disa) zakone të këqija.
✱Sin.: hije, fantazmë, vampir, lugat, kukuvriq, kukudh, llabiq, vorkollak, gogol, bubë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë