Fjalori

Rezultate në përkufizime për “vogëluar”

Mëso si ta përdorësh
<<< Kthehu te kërkimi kryesor në fjalor

NGUSHTUAR

NGUSHTÚAR (i, e) mb. 1. Që është bërë i ngushtë a më i ngushtë; kund. i zgjeruar. Hapësira publike të ngushtuara nga ndërtime të shumta. Pantallona të ngushtuara.
2. fig. Që është në gjendje të vështirë, që e ka punën keq; që ndihet shumë ngushtë e nuk sheh rrugëdalje, që është i detyruar të marrë një vendim të padëshiruar. Po kalonte një situatë të vështirë, ndaj ishte shumë i ngushtuar. Ishte i ngushtuar ta pranonte ofertën.
✱Sin.: i zvogëluar, i vogëluar, i mbledhur, i pakësuar, i rrëgjuar, i rrudhur, i ngjeshur, i kufizuar, i shtrënguar, i shqetësuar, i sikletosur, i rënduar, i vështirë.

VOGËLUAR

VOGËLÚAR (i, e) mb. Që është bërë më i vogël, i rrëgjuar; i mbledhur, i zvogëluar. Plak i vogëluar. Me trup të vogëluar. Xhaketë e vogëluar. Derë (dritare, portë) e vogëluar. Tufë e vogëluar. Numër i vogëluar. Shpenzime të vogëluara. Mallra të vogëluara në treg. Ditë (natë) e vogëluar.
✱Sin.: i zvogëluar, i vocërruar, i rrëgjuar, i mbledhur, i ngushtuar, i shkurtuar.

ZVOGËLUAR

ZVOGËLÚAR (i, e) mb. Që është bërë më i vogël nga sa ishte, që është pakësuar a është ulur, që është zvogëluar; kund. i rritur, i zmadhuar, i shtuar, i zgjeruar. Me bebëza të zvogëluara. Të dhëna (shifra) të zvogëluara. Vëllim (kapacitet) i zvogëluar i lëndës. Përdorim i zvogëluar. Rrezik i zvogëluar. Lakim i zvogëluar i trupit. I zvogëluar sa madhësia e dorës. Kabinet i zvogëluar. Numri i zvogëluar i rruazave të kuqe të gjakut. Vëllai i dukej i zvogëluar.
✱Sin.: i vogëluar, i vocërruar, i pakësuar, i mpakur, i vokërruar, i ngushtuar, i shkurtuar, i rrëgjuar, i mbledhur, i picërruar, i tkurrur, i kruspulluar, i ulët, i zbehur, i tulatur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë