Fjalori

Rezultate në përkufizime për “vobektësi”

Mëso si ta përdorësh
<<< Kthehu te kërkimi kryesor në fjalor

VARFËRI

VARFËRÍ,~A f. 1. Të qenët i varfër, gjendja e atij që është i varfër; mungesë e mjeteve më të nevojshme për jetesë; kund. pasuri. Varfëri e madhe. Jetonte në varfëri. Ra në varfëri. Shpëtoi nga varfëria. E kishte nga varfëria. E zhdukëm varfërinë. Varfëri absolute. Varfëria relative.
2. Të qenët jopjellor a joprodhues; kund. i pasur. Varfëria e tokës. Varfëria e tokës në zonat gëlqerore. Varfëria e rezervave ujore. Varfëria e zonave pyjore të djegura.
3. Mungesë e diçkaje të dobishme në sasinë e nevojshme, të qenët i pamjaftueshëm; kund. i pasur. Varfëria e ushqimit. Varfëria e ushqimeve bio.
4. fig. Mungesë vlerash mendore e shpirtërore; të qenët me përmbajtje të varfër; kund. pasuri. Varfëri idesh (mendimesh). Varfëri shpirtërore.
5. përmb. vjet. Tërësia e njerëzve të varfër, të varfrit. U mblodh varfëria. E gjithë varfëria.
✱Sin.: skamje, mospasje, papasje, mjerim, fukarallëk, vobektësi.

VARFËRIM

VARFËRÍM,~I m. 1. Veprimi kur varfëroj a varfërohem; kur diçka humbet vlefshmërinë a bëhet më pak i vlefshëm. Varfërimi i tokës. Varfërimi i rezervave ujore. Varfërimi i vendburimeve të naftës (të mineraleve).
2. Gjendja kur varfërohemi e biem në varfëri a bëhemi të varfër a më i varfër. Varfërimi i familjeve. Varfërimi i buxhetit. Varfërimi i ekonomisë.
✱Sin.: shkrëndim, shterpëzim, vobektësi.

VOBEKËSI

VOBÉKËSÍ,~A f. Vobektësi. Certifikatë vobekësie (vjet.).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë