Fjalori

Rezultate në përkufizime për “vjetërsi”

Mëso si ta përdorësh
<<< Kthehu te kërkimi kryesor në fjalor

ANTIKË

ANTÍK/Ë,~A f. sh. ~A, ~AT 1. Antikiteti; lashtësia, bota e vjetër, shekulli i vjetër; koha e kaluar që moti. Periudha e antikës. Vlerë e antikës.
2. Periudha e Greqisë dhe e Romës së Vjetër dhe qytetërimi e kultura e tyre. Antika dhe shkëlqimi i saj. Ndodhi në antikë. Zbulime të antikës. Qytetërimi i antikës. Stil i frymëzuar nga antika.
3. zakon. sh., bised. Sende ose punime artistike të rralla, që çmohen për vjetërsi. Kërkon antika. Studion antikat. Jeton mes antikave. Antikat greke shfaqin estetikë të lartë. Në muze ruhen antika të çmueshme romake.

ARKAIKE

ARKAÍK/E,~JA f. Diçka që është shumë e vjetër dhe që i përket një periudhe të hershme historike; diçka që ka një vjetërsi dhe që është ruajtur nga kohët e lashta; kund. e re. Arkaikja në letërsi. Rikthim i arkaikes. Nostalgji për arkaiken.
✱Sin.: e vjetër, e vjetruar, vjetërsirë, e lashtë, e moçme, e moçmuar, e moshuar.

LASHTINË

LASHTÍN/Ë,~A 1. Lashtësi, vjetërsi, plakje.
2. Tradita.

LASHTËSI

LASHTËSÍ,~A f. sh. ~, ~TË 1. nj. Të qenët i lashtë; të qenët shumë i vjetër. Lashtësia e një populli. Lashtësia e kulturës. Lashtësia e gjuhës shqipe. Lashtësia e një kënge (e një valleje).
2. Kohë shumë e vjetër, koha e lashtë, e shkuara e largët; bota e lashtë, antikiteti. Nga lashtësia e thellë. Në lashtësinë e largët. Lashtësia ilire. Lashtësia e mesjetës. Dijetarët e lashtësisë. Kanë jetuar në lashtësi.
✱Sin.: lashtëri, vjetërsi, vjetëri.

SHTESË

SHTÉS/Ë,~A f. sh. ~A, ~AT 1. Shtim. Kafshë për shtesë. Marr (mbaj) për shtesë.
2. Pjesë që i shtohet diçkaje dhe e rrit a e plotëson sipërfaqen, vëllimin a sasinë e saj (pjesa që i shtohet një ndërtese, një veshjeje për ta zgjatur a për ta zgjeruar, një sasie sendesh, një shume të hollash, një numri njerëzish etj.); zmadhim, zgjerim, rritje. Shtesë e re (e madhe, e vogël, e rëndësishme). Shtesa natyrore e popullsisë. Shtesa mujore në peshë. Shtesa vjetore e prodhimit. Shtesë plani. Shtesa e gjësë së gjallë (e dhenve, e gjedhit). Shtesë fondesh. Shtesë rroge (mbi pagën). Shtesë për vjetërsi në punë. Shtesë në mëngë (në sqetulla). Shtesë në numrin e nxënësve. I bëri një shtesë shtëpisë. Bëj shtesa në një artikull (në një tekst, në një program). Fund (pantallona) me shtesë.
3. sport. Koha që i shtohet kohës së rregullt në një ndeshje futbolli a basketbolli, kur përfundimi është i barabartë dhe duhet përcaktuar patjetër një skuadër fituese. Shtesa e parë (e dytë). Shtesa e lojës. Koha shtesë.

VJETËRI

VJETËRÍ,~A f. Të qenët i vjetër; lashtësi, vjetërsi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë