Fjalori

Rezultate në përkufizime për “vizohet”

Mëso si ta përdorësh
<<< Kthehu te kërkimi kryesor në fjalor

PËRVIJOHET

►PËRVIJ/ÓHET jovep., ~ÚA (u), ~ÚAR vet. v. III 1. vetv. Nisin të duken vijat kryesore të diçkaje. Përvijohen vargmalet (tragetet) në largësi.
2. fig., vetv. Fillon të shfaqet me trajtat e veta të dalluara mirë; nis të duket me tiparet e veta të veçanta, nxjerr tiparet e veta karakteristike; përcaktohet. Përvijohen prirje të reja në pikturë. U përvijua si shkencë më vete. Përvijohen prirje (drejtime) të ndryshme.
3. pës. e PËRVIJÓJ.
✱Sin.: përvijoset, ravijëzohet, vijëzohet, vizohet, vizatohet, skicohet, përcaktohet, dallohet, shquhet, duket.

VIJËZOHET

►VIJËZ/ÓHET jovep., ~ÚA (u), ~ÚAR vet. v. III 1. vetv. Zgjatet diçka si vijë, formon një vijë. Vijëzohet fusha e futbollit. Rrudhat i vijëzohen në ballë nga mosha a mundimet e shumta..
2. fig., vetv. Shfaqet menjëherë diçka me disa shenja; duket paksa. Iu vijëzua një buzëqeshje. I vijëzohej një shprehje gëzimi në fytyrë.
3. pës. e VIJËZÓJ.
✱Sin.: vijëzohet, përvijohet, ravijëzohet. vijoset, vizohet.

VIZIM

VIZÍM,~I m. 1. Veprimi kur vizoj a vizohet diçka. Vizimi i dërrasës së zezë. Vizimi i fushës së futbollit. Thikë për vizim (tek.). Vizimi i vijave të bardha për kalimtarët. Vizimi i skicës. Vizimi i fjalëve kryesore. Vizimi i paragrafit.
2. fig. Veprimi kur paraqesim në vija të përgjithshme, vizatojmë, përvijojmë (diçka). Vizimi i portretit nga kujtesa.
3. vjet. Veprimi kur vizatojmë diçka. Vizimi i një rrethi. Vizimi i një figure gjeometrike.
4. Bërja e vizës a shënimi i saj në pasaportë, në letërnjoftim. Vizimi i pasaportës. Ia bëri vizimin pasaportës.
✱Sin.: vijëzim, vizatim, nënvizim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë