Fjalori

Rezultate në përkufizime për “vizitohem”

Mëso si ta përdorësh
<<< Kthehu te kërkimi kryesor në fjalor

AMBULANCË

AMBULÁNC/Ë,~A f. sh. ~A, ~AT 1. Qendër për vizita mjekësore dhe për mjekime të shpejta të të sëmurëve në një lagje qyteti, në një fshat, në një mjedis plazhi etj. Ambulanca qendrore. Ambulanca e lagjes (e fshatit). Mjeku i ambulancës. Çoj në ambulancë. Vizitohem në ambulancë. Ambulancë private. Ambulancë urgjence.
2. Makinë e ndihmës së shpejtë e pajisur me mjete mjekësore për të dhënë ndihmën e parë, që shërben për bartjen e të sëmurëve apo të plagosurve, zakonisht në raste urgjente; autoambulancë. Ambulanca e urgjencës. Ambulanca mjekësore me personel mjekësor. Thërras ambulancën. Marr me ambulancë. Ambulanca ajrore.

ENDOKRINOLOGE

ENDOKRINOLÓG/E,~IA f. sh. ~E, ~ET mjek. Specialiste në endokrinologji. Vizitohem tek një endokrinologe e re. Endokrinologe e zonja. Endokrinologia dhe këshillat e saj për diabetin. Endokrinologe me përvojë.

FTIZIATËR

FTIZIÁT/ËR,~RI m. sh. ~ËR, ~RIT mjek. Mjek i sëmundjeve të mushkërive. Vizitohem te ftiziatri.

POLIAMBULANCË

POLIAMBULÁNC/Ë,~A f. sh. ~A, ~AT mjek. Poliklinikë. Poliambulanca e qytetit. Mjekët e poliambulancës. Shkoj (vizitohem) në poliambulancë.

SHIHEM

►SHÍHEM jovep. PÁSHË (u), PÁRË 1. vetv. Shoh veten të pasqyruar diku; shikohem. Shihem në pasqyrë.
2. vetv. Shoh dikë dhe ai me sheh mua. U panë sy ndër sy. U panë vëngër.
3. vetv. Takoj dikë, gjendem bashkë me të. S'jemi parë që në verë. Kur do të shihemi prapë? U pafshim shëndoshë (me të mira) ur.
4. bised., vetv. Vizitohem te një mjek. Është parë në shumë doktorë. U pa te mjeku i syve.
5. vet. v. III Vete diku; shfaqet, del në shesh, duket. S'janë parë më këtej. Është parë në Fier. Po shihen frytet e para të kësaj lëvizjeje.
6. vetv., vet. v. III Merret vesh, kuptohet qartë; merr fund, përfundon (zakonisht jo ashtu si e pritnim). U pa që s'ka për të rënë shi. U pa dhe kjo punë. U pa që s'nisemi dot sot.
7. bised., vetv., vet. v. III, kr. thj. (me një trajtë të shkurtër të përemrit vetor në r. dhanore). Më duket, më bëhet, kam përshtypjen se është kështu a ashtu. M'u pa i sëmurë. Iu pa më e madhe. M'u pa i mërzitur. Na u panë të gëzuar.
8. pës. e SHOH. Ky dimër s'është parë. Shihet e nevojshme. Së largu nuk shihet.
✱Sin.: shikohem, vështrohem, këqyrem; takohem, vizitohem (te mjeku);
♦Jam parë *hënabrenda (me dikë). Jam parë *hënajashtë (me dikë). Jam parë *hënaprapë (me dikë). U pa *puna.

SHIKOHEM

►SHIK/ÓHEM jovep., ~ÓVA (u), ~ÚAR vetv. 1. Shikoj veten në një pasqyrë a në një sipërfaqe të lëmuar; shihem, këqyrem. Shikohem gjithë ditën në pasqyrë. Shikohej në grykën e pusit. Shikohej në ujin e liqenit.
2. vetv. Shihem sy më sy me dikë në mënyrë të ndërsjellë, shkëmbejmë shikimet. U shikuan sy ndër sy. U shikuan shtrembër. Shikohen mes tyre.
3. vetv. Takohem me dikë. Shikohemi e flasim. Nuk shikohemi qëkur. Shikohemi më vonë. Shikohemi përsëri.
4. vetv., bised. Vizitohem te një mjek, kontrollohem. Shikohem te një doktor me emër.
5. pës. e SHIKÓJ. S’shikohet me sy. Mund të shikohet me sy të lirë.
✱Sin.: shihem, këqyrem, vështrohem, gjendet, shfaqet, vërehet, shqyrtohet, piqem, kontrollohem.

VIZITIM

VIZITÍM,~I m. sh. ~E,~ET 1. Veprimi kur vizitoj a vizitohem. Vizitimi i punëtorëve. Vizitimi i muzeut. Vizitimi i Alpeve.
2. Veprimi kur shkoj për t’u vizituar të mjeku. Vizitimi i të sëmurit.
✱Sin.: vizitë, qokë, vizitim, kontroll, kontrollim.

VIZITOHEM

►VIZIT/ÓHEM jovep., ~ÓVA (u), ~ÚAR 1. vetv. Shkoj te mjeku për të parë gjendjen shëndetësore, për të bërë një kontroll. Vizitohem te mjeku. E çoi për t'u vizituar. A është vizituar te mjeku? Është vizituar nga disa mjekë.
2. pës. e VIZITÓJ.
✱Sin.: shihem, kontrollohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë