Fjalori

Rezultate në përkufizime për “virtuoz”

Mëso si ta përdorësh
<<< Kthehu te kërkimi kryesor në fjalor

EKUILIBRUES

EKUILIBRÚES,~I m. sh. ~, ~IT 1. Ai që siguron një ekuilibër mes palëve në konflikt. Ekuilibruesi virtuoz. Luante rolin e një ekuilibruesi të Evropës. Ekuilibruesi politik.
2. Ekuilibrist. Ekuilibruesi rrëzohet nga një lartësi prej gjashtë metrash.

EKZEKUTIM

EKZEKUTÍM,~I m. sh. ~E, ~ET libr. 1. Zbatimi i një ligji, vendimi, urdhri etj. Ekzekutimi i vendimit. Vendime me ekzekutim të përkohshëm.
2. drejt. Zbatimi i dënimit me vdekje për dikë. Ekzekutimi i të dënuarit. Kërkesë për ekzekutim.
3. Mënyra se si luhet a interpretohet një vepër muzikore; performancë. Ekzekutim virtuoz. Ekzekutimi i artistit. Ka në interpretimin e tij një ekzekutim teknik të lartë. Parimet e ekzekutimit dhe mësimit të violinës. Ekzekutimi i valles.
4. sport. Mënyra se si bëhen lëvizje të caktuara teknike në një sport. Ekzekutimi i goditjes së dënimit. Ekzekutimi i penalltisë.
✱Sin.: realizim, zbatim, interpretim, performancë, vrasje.

FLAUTIST

FLAUTÍST,~I m. sh. ~Ë, ~ËT Ai që i bie flautit. Flautist virtuoz.

PREKATAR

PREKATÁR,~E mb. 1. Që di të sillet me të tjerët, që di si t’ia thotë dikujt një gjë, që di se ku e prek dikë, që ka takt. Plak (burrë) prekatar. Grua prekatare.
2. Që di t’i bjerë mirë një vegle muzikore, që të prek e të mallëngjen kur i bie një vegle muzikore, virtuoz.
3. si em. m. e f. Sipas kuptimit të mbiemrit. Ishte prekatar i madh.
✱Sin.: i kujdesshëm, i sjellshëm, i vëmendshëm, mallëngjyes.

TALENT

TALÉNT,~II m. sh. ~E, ~ET Aftësi e veçantë natyrore për të bërë diçka shumë mirë e në mënyrë krijuese, dhunti; zotësi që shquan dikë në një fushë të caktuar. Talent artisti. Ka talent për muzikë (për gjuhë të huaja, për matematikë) ka dhunti për.... Është me talent i jepet, ka prirje të madhe. Është muzikant (artist, pianist) me talent është virtuoz. Zanat që kërkon talent. Një herë talent e dhjetë herë punë. (fj. u.).

VIRTUOZ

VIRTUÓZ,~E mb., libr. Që zotëron në mënyrë të përsosur artin e tij (zakonisht për një muzikant, instrumentist, këngëtar); që ka arritur shkallën më të lartë të mjeshtërisë dikush (në një punë a në një mjeshtëri). Muzikant (artist) virtuoz. Pianiste virtuoze. Mjeshtër virtuoz.

VIRTUOZ

VIRTUÓZ,~I m. sh. ~Ë, ~ËT Ai që zotëron në mënyrë të përsosur artin e tij (zakonisht për një muzikant, instrumentist, këngëtar); ai që ka arritur shkallën më të lartë të mjeshtërisë (në një punë a në një mjeshtëri). Virtuoz i madh. Virtuoz në mjeshtri.

VIRTUOZITET

VIRTUÓZITET,~I m., libr. 1. Tingull i ëmbël, melodioz që të kënaq veshin kur e dëgjon, të qenët virtuoz. Ka virtuozitet. Ekzekutim me virtuozitet.
2. Interpretim, mjeshtëri e përsosur teknike në ekzekutimin e veprave muzikore. Luan pjesë muzikore me virtuozitet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë