Fjalori

Rezultate në përkufizime për “vigël”

Mëso si ta përdorësh
<<< Kthehu te kërkimi kryesor në fjalor

AJKË

ÁJK/Ë,~AI f. 1. Shtresë e yndyrshme që zë përsipër qumështi, pasi e ziejmë dhe e lëmë në një enë. Ajkë e trashë. Ajkë e ëmbël. Ajkë e freskët. Ajka e qumështit. Kos me ajkë. Zë (vë) ajkë. Ajkë e zier. I marr (i heq) ajkën qumështit. Lyej bukën me ajkë. Pite me ajkë. Ajkë e zier me miell misri. Rrah ajkën për të zënë gjalpin, tëlyenin.
2. Shtresë e sipërme e yndyrshme e gjellës, kafesë etj. Jam i velitur nga ajka e gjellës. Më mundon ajka e supës. Gjellë me ajkë. Piva kafenë me ajkë.
✱Sin.: yndyrë, mazë, kajmak, krem, cipë, petë, vemesë, mesë, grykë, shtalpë, vigël, faqore.
♦ E ka gojën ajkë (dikush) është gojëmbël, flet butë e me dashuri; nxjerr sheqer nga goja; i buron (i nxjerr) goja mjaltë (dikujt); është melhem për plagë; kund. e ka gojën hudhër keq. Merr ajkën (e jo shkumën) (dikush) di të dallojë e të zgjedhë më të mirën; sheh anën e mirë të dikujt a të diçkaje; nuk gënjehet nga dukja; është i thellë. Është rritur me ajkën e qumështit (me ajkë qumështi) (dikush) shih është rritur me thelpinj arre (dikush). Ta shet shkumën për ajkë (dikush) shih te SHKUM/Ë,~A; ta shet ujin për raki (për verë) (dikush).

RRETHORE

RRETHÓR/E,~JA f. sh. ~E, ~ET 1. Lloj fustanelle a fundi, që e përdornin gratë në disa malësi të Shqipërisë së Mesme. Rrethore e bardhë. Veshi rrethoren.
2. Thurimë e ulët prej dërrasash të holla, në të cilën vihen fëmijët e vegjël për të ndenjur a për të luajtur; rreth. E vuri fëmijën të rrinte në rrethore.
3. Rrethatore. Rrethore fishekësh.
✱Sin.: fustanellë, fund, qark, gjerdan, kular, vigël.

VIGËL

VÍG/ËL,~LAI f. sh. ~LA, ~LAT Vegël e thjeshtë, që përbëhet nga dy dërrasa të bashkuara njëra me tjetrën dhe nga katër këmbë, me të cilën mësohen fëmijët e vegjël të ecin; kular. E vuri fëmijën në vigël. Vigël për fëmijë.
✱Sin.: kular, vegël, rrethore, qerthull, rreth.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë