Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AUTOGJÉN,~E mb. 1. biol. Që lind ose që krijohet vetë, që lind vetvetiu, që është krijuar nga lënda e vet, që ka një fillim në vetvete; kund. alogjen. Organizëm autogjen. Proces autogjen. Material autogjen. Imunitet autogjen. Reagim autogjen. Inde autogjene.
2. tek. Që ka të bëjë me saldimin automatik të metaleve. Saldim autogjen. Teknologjia e saldimit autogjen. Prerja autogjene e metalit. Bashkim autogjen i pjesëve metalike. Saldim autogjen saldim me gaz.
3. inf. Që ka të bëjë me programin e gjenerimit automatik të diëkaje. Program autogjen. Aparate autogjene.
4. fig. Që krijohet vetë, që lind ose që buron vetvetiu, pa ndihmën e faktorit të jashtëm. Artikull (shkrim) autogjen. Krijimtaria e tij është autogjene.
✱Sin.: parak, fillestar, vetëkrijues, vetëformues, vetëveprues, vetaktivizues, vetëprodhues, vetëshkaktues, i vetëlindur.
FILIÁL,~I m. sh. ~E, ~ET Degë e veçantë e një institucioni të madh qendror, e një ndërmarrjeje, kompanie etj., që e zhvillon veprimtarinë e vet si një organizëm vetëveprues. Filiali i bibliotekës. Filialet e Universitetit të Tiranës. Filiali i bankës.
INICIATÓR,~I m. sh. ~Ë, ~ËT Ai që çan i pari në punë a në jetë, ai që fillon i pari një punë a një veprimtari, ai që i jep shtysën e parë diçkaje ose që nxit të tjerët të ndërmarrin diçka; nismëtar, nismës. Iniciatori kryesor. Iniciator revolucionar. Iniciator i lëvizjes (i garave). Është iniciatori i kësaj pune.
✱Sin.: nismëtar, iniciues, vetëveprues, udhëheqës.
ORGANIZ/ËM,~MI m. sh. ~MA, ~MAT 1. Çdo qenie e gjallë (bakter, kërpudhë, njeri, kafshë, bimë etj.), e përbërë nga një qelizë e vetme ose një kompleks qelizash në të cilin organelet ose organet punojnë së bashku për të kryer proceset e ndryshme të jetës; formë jete e një qenieje të gjallë. Organizëm i gjallë (i vdekur). Organizëm shtazor (bimor). Organizëm i thjeshtë (i ndërlikuar). Organizëm njëqelizor (shumëqelizor, joqelizor). Organizmi i njeriut (i kafshës, i bimës). Zhvillimi i organizmave të gjallë.
2. Tërësia e organeve të një qenieje të gjallë me vetitë e funksionet përkatëse, trupi i një qenieje të gjallë. Oksigjeni hyn në organizëm. S’ia duron organizmi të hajë yndyrna.
3. Organi politik, shtetëror a shoqëror, i parë në tërësinë e pjesëve përbërëse; njësia që është ndërtuar e vepron si një tërësi funksionale e harmonizuar e ngjashme me një trup të gjallë. Organizmi shoqëror (i shoqërisë). Organizëm shkencor. Organizëm vetëveprues. Organizëm ndihmës. Organizmat politikë (shtetërorë, ekonomikë). Organizmat e partisë (e pushtetit).
VETËVEPRÚES,~E mb. 1. Që vetëvepron, që ka aftësinë për të kryer detyrat, për të bërë një punë ose për të zgjidhur një çështje vetë, pa pritur urdhra a udhëzime nga lart; që ka iniciativë. Organizatë (bërthamë shkencore) vetëvepruese. Si një organizëm vetëveprues. Morën një nismë vetëvepruese.
2. tek. Që vepron a punon në mënyrë automatike. Aparat vetëveprues. Frena vetëveprues. Makineri (pajisje) vetëvepruese.
✱Sin.: nismëtar, nismës, frymëzues.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë