Fjalori

Rezultate në përkufizime për “vetëshërbim”

Mëso si ta përdorësh
<<< Kthehu te kërkimi kryesor në fjalor

AUTOLARJE

AUTOLÁRJ/E,~A f. sh. ~E, ~ET 1. Larje automatike e automjeteve përmes një sistemi të pajisjeve dhe të makinave të automatizuara, që kryejnë larjen pa nevojën e drejtpërdrejtë të dikujt; qendër larjeje me vetëshërbim për makina, kamionë, autobusë etj. Autolarje moderne. Autolarje pa prekje. Autolarje me vetëshërbim. Autolarje e thjeshtë. Autolarje e paplotë. Punon si teknik në autolarje.
2. Pajisje automatike që lan automjetet në mënyrë të programuar. Autolarje automatike. Autolarje me presion të lartë.

AUTOLARËS

AUTOLÁRËS,~I m. sh. ~, ~IT tek. Pajisje ose vend i specializuar për larjen automatike të makinave pa ndërhyrjen e drejtpërdrejtë të dikujt dhe me mjete të ndryshme larjeje. Autolarës me tunel. Autolarës me furça automatike. Autolarës me vetëshërbim.

AUTOSHËRBIM

AUTOSHËRBÍM,~I m. sh. ~E, ~ET 1. Dyqan ose shitore me vetëshërbim ku blihen pajisje, pjesë këmbimi, pjesë rezervë, aksesorë shtesë për automjetet. Bleva autopjesë në autoshërbim.
2. Vetëshërbim, dyqan ose shitore ushqimore dhe e artikujve të konsumit të përgjithshëm, ku blerësit shërbehen vetë; market, minimarket, supermarket. Autoshërbim i vogël (i madh).
✱Sin.: vetëshërbim, market, minimarket, supermarket.

GJELLËTORE

GJELLËTÓR/E,~JA f. sh. ~E, ~ET Lokal ku gatuhet dhe ku hahet, zakonisht me vetëshërbim. U hap një gjellëtore e re.
✱Sin.: mezeri, mëngjesore, akçihane, mensë.

MENSË

MÉNS/Ë,~A f. sh. ~A, ~AT Lokal me vetëshërbim ku hanë bashkërisht nxënësit a studentët e një konvikti, ushtarakët e një njësie, punëtorët e një kompanie etj. Mensë e re (e mirë). Mensa e studentëve (e nxënësve, e ushtarakëve). Ha në mensë.

USHQIMORE

USHQIMÓR/E,~JA f. sh. ~E, ~ET Shitore ku shiten ushqime; dyqan ushqimesh. Ushqimore e re. Ushqimore me vetëshërbim. Blej në ushqimore.

VETËSHËRBIM

VETËSHËRBÍM,~I m. 1. Veprimi kur vetëshërbehem në gjellëtore, në tregtore, markete, në konvikte etj. Mëngjesore (gjellëtore) me vetëshërbim. Tregtore (dyqan) me vetëshërbim. Është me vetëshërbim.
2. bised. Gjellëtore ku njerëzit hanë duke e marrë vetë ushqimin. Ha në vetëshërbim.
3. bised. Tregtore ku blerësit i marrin vetë nga raftet gjërat që i blejnë. Dyqan (market, butik) me vetëshërbim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë