Fjalori

Rezultate në përkufizime për “vetëqeverisës”

Mëso si ta përdorësh
<<< Kthehu te kërkimi kryesor në fjalor

AUTONOM

AUTONÓM,~E mb., drejt. 1. Që ka të drejtën të vendosë në mënyrë të pavarur për punët e popullsisë së vet dhe të qeveriset sipas ligjeve të veta, brenda sistemit të një shteti të madh; që ka autonomi, i pavarur, sovran. Shtet autonom. Republikë (krahinë) autonome. Rajon autonom. Institucion autonom. Sistem autonom. Gjykatë autonome.
2. Që është i pavarur; që vepron vetë, pa iu nënshtruar lidhjeve me një tërësi më të madhe. Ndërmarrje (degë, njësi) autonome. Repart autonom. Ekonomi autonome. Zhvillim autonom. Veprime autonome. Automjet autonom (pa shofer). Teknologji autonome.
✱Sin.: i pavarur, i lirë, i mëvetësuar, sovran, vetëqeverisës, vetudhëheqës, vetëvendosës.

DHUNIM

DHUNÍM,~I m. sh. ~E, ~ET 1. Veprimi kur dhunoj dikë apo kur dhunohem. Dhunim i hapur (i rëndë). Dhunimi i shtëpisë. I dhunuan kufijtë shtetërorë. Dhunimi i ligjeve. Vjedhje shoqëruar me dhunime. Në kushtet e dhunimeve të rënda të statusit vetëqeverisës.
2. drejt. Detyrim ndaj një personi të kryejë akt seksual pa pëlqimin e këtij personi.

VETADMINISTRUES

VETADMINISTRÚES,~E mb. Që qeveris vetë, që zbaton vetë sistemin e vetadministrimit, vetëqeverisës. Ndërmarrje (kompani) vetadministruese.
✱Sin.: vetëqeverisës, vetëdrejtues.

VETËQEVERIMTAR

VETËQEVERIMTÁR,~E mb. Vetëqeverisës, vetëdrejtues, vetadministrues.

VETËQEVERITAR

VETËQEVERITÁR,~E mb. Vetëqeverisës.

VETËSUNDUES

VETËSUNDÚES,~E mb., libr. Që vetëqeveris, që është i pavarur; autonom; vetëqeverisës. Vend vetësundues. Qeveri vetësunduese.
✱Sin.: vetëqeverisës, vetadministrues, i pavarur, autonom.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë