Fjalori

Rezultate në përkufizime për “vesk”

Mëso si ta përdorësh
<<< Kthehu te kërkimi kryesor në fjalor

PËRKËDHEL

PËRKËDHÉL vep., ~A, ~UR kal. 1. E fërkoj dikë lehtë me dorë, i lëmoj një pjesë të trupit për t’i shprehur ndjenja dashurie a dashamirësie, e ledhatoj. I përkëdheli kokën (flokët, faqet, duart).
2. fig., vet. v. III Prek a çik lehtë diçka, lëmon. Valët përkëdhelin bregun. Era i përkëdhelte fytyrën.
3. fig. I them dikujt fjalë të ëmbla, i shpreh me mënyra të ndryshme dashurinë a dashamirësinë. Përkëdhel fëmijën.
4. fig., keq. E marr dikë me të mirë, duke i plotësuar edhe tekat e trillet, duke mos e qortuar për gabimet që bën etj. E kanë përkëdhelur (tepër). Nuk e ka përkëdhelur jeta.
5. fig. Shpresoj me një kënaqësi të brendshme që të më plotësohet një dëshirë a qëllim. Përkëdhelte një dëshirë (një ëndërr) të fshehtë.
✱Sin.: ledhatoj, dhel, lëmoj, mikloj, fërkoj, përgëzoj, llastoj, gëzoj, lajkatoj, lurtoj, lazdroj, lazmoj, ndrys, urtoj, hiroj, argëtoj, çkalit, zbunoj, viduloj, osh, lalush, zdat, lëmes, nanuris, vesk, përhosh, prek, çik, cek, ëmbëlsoj, shpresoj, përkund.

VESK

VESK,~U m. Joshë, joshje. Vesku i vajzës. Vesku i vajzës e bëri për vete.
✱Sin.: joshë, joshje, miklim, tërheqje, lajkë, dhele, përkëdheli.

VESK

VESK vep., ~A, ~UR kal. E tërheq, e afroj duke e joshur me dhele e fjalë të bukura, josh. E vesku me fjalë të ëmbla. E vesku vajzën me dhelka e premtime.
✱Sin.: josh, mikloj, grish, tërheq, përkëdhel, lajkatoj.

VESKET

VÉSK/ET jovep., ~A (u), ~ÚR vet. v. III 1. vetv. (me një trajtë të shkurtër të përemrit vetor në r. dhanore). Më josh diçka a dikush; më teket për diçka. Më vesk ajo vajzë me bukurinë e saj. Më vesket për duhan. Më vesk bukuria e fshatit. E vesk muzika. Më vesk shëtitja. Më veskin udhëtimet.
2. pës. e VESK.
✱Sin.: josh, grish, miklon, tërheq.

VESKSHËM

VÉSKSH/ËM (i), ~ME (e) mb. Që të bën për vete, që të josh; i hijshëm; plot vesk. Është i veskshëm ai.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë