Fjalori

Rezultate në përkufizime për “veshtë”

Mëso si ta përdorësh
<<< Kthehu te kërkimi kryesor në fjalor

VESHE

VÉSH/E,~JA f. sh. ~E, ~ET Dhi me veshtë të gjatë.

VESHSHPUAR

VESHSHPÚAR mb. 1. Që e ka llapën e veshit të shpuar, me veshë të shpuar (për bagëtitë, për t’i dalluar nga bagëtitë e fqinjëve etj.). Dele veshshpuar.
2. Që e ka llapën e veshit të shpuar, me veshë të shpuar për të vënë vathë (për gratë ose për vajzat). Vajzë (grua) veshshpuar.
3. fig. Që kap shpejt me vesh çdo gjë që thuhet, që s'i shpëton gjë; i zgjuar e mendjemprehtë. Atij nuk ia hedh dot, është veshshpuar.
4. keq. Që nuk ua vë veshin fjalëve të të tjerëve; që nuk i kushton vëmendje asaj që i thuhet; që nuk i bëjnë përshtypje qortimet që i thonë. Njeri veshshpuar.
✱Sin.: i zgjuar, mendjemprehtë, veshtak, veshtar, i veshtë, mendjeshkathët, i kuptueshëm, shpërfillës, mospërfillës.

VESHTAK

VESHTÁK,~E mb. Që është i zgjuar, mendjemprehtë. Njeri veshtak. Grua veshtake.
✱Sin.: veshshpuar, veshtar, i veshtë, i zgjuar, i mençur.

VESHTAR

VESHTÁR,~E mb. 1. Që ka veshë të mprehtë, që dëgjon shumë, veshpipëz; që merr vesh çdo gjë që ndodh. Është veshtar.
2. fig. Që është i zgjuar, mendjemprehtë. Njeri veshtar.
✱Sin.: i veshtë, veshqiqër, veshmprehtë, veshshpuar, i zgjuar.

VESHTË

VÉSHTË (i, e) mb. Që i dëgjon me vëmendje fjalët e të tjerëve; që i dëgjon të tjerët; që i kap shpejt ato që i thonë; i zgjuar dhe i kuptueshëm; mendjemprehtë. Njeri i veshtë. Fëmijë të veshtë.
✱Sin.: i zgjuar, i vëmendshëm, i kuptueshëm.

VËMENDSHËM

VËMÉNDSH/ËM (i), ~ME (e) mb. 1. Që bën diçka duke përqendruar gjithë vëmendjen e tij; që e ka drejtuar gjithë mendjen, shikimin a dëgjimin në diçka, që e ndjek me vëmendje diçka; që shpreh përqendrim të vëmendjes; kund. i pavëmendshëm. Nxënës i vëmendshëm. Studiues (vëzhgues) i vëmendshëm. Mjek i vëmendshëm. Me sy të vëmendshëm.
2. Që tregon kujdes për dikë a për diçka; që shpreh interesim; i kujdesshëm. Qëndrim i vëmendshëm. Është i vëmendshëm ndaj kërkesave të komunitetit. Tregohet i vëmendshëm me të gjithë.
3. Që bëhet me kujdes, me imtësi e me përpikëri; i kujdesshëm e i përqendruar. Kontroll (vëzhgim, shqyrtim) i vëmendshëm. Studim (lexim) i vëmendshëm.
✱Sin.: i kujdesshëm, prekatar, i përqendruar, hetues, i veshtë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë