Fjalori

Rezultate në përkufizime për “veshak”

Mëso si ta përdorësh
<<< Kthehu te kërkimi kryesor në fjalor

BISTAK

BISTÁK,~U m. sh. ~Ë, ~ËT 1. Freni i rrushit bashkë me kokrrat; vesh, verigë. Bistak rrushi. Këput një bistak. Ha një bistak rrush.
2. Tufëz lulesh, kokrrash etj. në një bisht, që varet poshtë, xhufkë. Bistak bari. Bistakët e akacies. Shelgjeve u kishin rënë bistakët.
✱Sin.: vesh, verigë, vile, veshul, veshak, veshok, veshnik, vastak, korrovesh, kalander, landare, pulvesh, pupë, kopan.

VESHAK

VESHÁK,~E mb. 1. Që i ka veshët të dalë; që bie në sy nga veshët; veshllapush. Njeri veshak. Grua (vajzë) veshake.
2. Me veshë (për kapelat). Shapkë (kapë) veshake.
✱Sin.: veshmadh, pallavesh, veshore.

VESHMADH

VESHMÁDH,~E mb. 1. shar. Që ka veshë të mëdhenj; kund. veshvogël. Qen veshmadh. Kryevogël e veshmadh. Fëmijët e tallnin atë djalin veshmadh.
2. shar. Veshgomar, me veshë si të gomarit.
✱Sin.: veshak, veshuk, veshllapush, llapush, pallavesh, veshopingë.

VESHMADH

VESH/MÁDH,~II m. sh. ~MËDHÉNJ, ~MËDHÉNJTË edhe shar. Ai që i ka veshët të mëdhenj; kund. veshvogël. Ai veshmadhi nuk bindet. E quanin veshmadhi i lagjes.
✱Sin.: veshak, veshuk, veshllapush, llapush, pallavesh, veshopingë, veshgomar.

VESHUK

VESHÚK,~U m. sh. ~Ë, ~ËT Cjap a dash që i ka llapat e veshëve të mëdha, llapush.
✱Sin.: veshak, veshllapush, veshmadh.

VESHËZ

VÉSHËZ,~AI f. sh. ~A, ~AT Pjesë e parmendës prej druri e bigët që vihet pas plorit dhe që shërben për të hedhur dheun anash; vesh, llapar. Parmendë me veshëz. Veshëza e parmendës. U thye veshëza.
✱Sin.: vesh, veshak, verzë, llapar, anësore, çatall.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë