Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
PËR/ZË́ vep., ~ZÚRA, ~ZË́NË kal. 1. E detyroj dikë të largohet nga dhoma, nga shtëpia, nga vendi etj., e ndjek me forcë a me të keq; e nxjerr jashtë; dëboj. E përzuri nga shtëpia. Përzëre macen (qenin)! E përzuri me dhunë (me forcë, me fjalë të ashpra). I kishin përzënë nga vendi i tyre.
2. Detyroj pushtuesin me luftë të largohet nga atdheu ose nga një vend; dëboj, shporr. E përzunë armikun.
3. E largoj dikë me detyrim a me të keq nga një mbledhje, nga një veprimtari e përbashkët, nga një organizatë etj..
4. E pushoj dikë nga puna, e përjashtoj nga shkolla; dëboj. E përzunë nga shkolla (nga konvikti).
5. I jap dikujt gjënë e gjallë (dhen, dhi, lopë) për ta veruar në bjeshkë me të tijën, kundrejt një detyrimi në djathë, gjalpë etj.
6. fig. Largoj me forcë nga vetja diçka të keqe, dëboj. Përzë mendimet e këqija. E përzuri hidhërimin (mërzinë).
✱Sin.: dëboj, zboj, karmoj, ndjek, resht, gremis, arsej, gjuaj, shkreh, trumhas, turit (turis), shporr, përjashtoj, pushoj, flak, largoj, mërgoj, syrgjynos, spastroj, hedh, shkul, tres, përtret, lips, puroj, përjashtoj, shpërngul, dynd, munxos, degdis, shargoj, tremb, zhduk.
♦ Përziej *bukën etnogr. Përzien *gishtat (dikush).
STAN,~I m. sh. ~E, ~ET 1. Vend me vathë e me kasolle për bagëtitë, për barinjtë e për bulmetin, i ngritur në mal për verë ose në vërri për dimër. Fshatarët i çuan bagëtitë në stanet verore gjatë stinës së nxehtë. Barinjtë rrinin në stane për disa muaj. Produktet e stanit i dërgonin në fshat më karrocë. Qeni i stanit vigjilonte gjatë gjithë natës.
2. Banesë verore përdhese në bjeshkë e ndërtuar me mur të thatë dhe e mbuluar me dërrasa pa gozhdë ose me lugje të gjata druri të vendosura një mbarë e një mbrapsht, si tjegullat; në fund të stinës, stani zbulohet që të mos e rroposë bora. Ndërtuan një stan në bjeshkë për të veruar bagëtia.
3. Tufa e dhenve; kope, grigjë. Barinjtë e vunë përpara stanin dhe u drejtuan për në mal.
4. Ndërtesë e vogël me mur a lëndë druri, që përdoret për gjënë e gjallë, bar etj. I çuan bagëtitë në stan dhe u nxorën ushqimin e ruajtur.
5. fig. keq. Grup a kamp armiqësor. Stan banditësh. Anëtarët e stanit rebel.
✱Sin.: tufë, bunishtë, bun, vathë, mandër, mashën, nome, grup, kamp, bylyk, vatër, grumbull, mori.
♦ Ai stan atë bulmet ka mospërf. pasojat do t’i kesh sipas rrugës që zgjedh; nga diçka e keqe mos prit ndonjë gjë të mirë; dihen rrjedhojat, mos prit gjë tjetër. Ruan katër stane (dikush) është shumë i zoti, përballon çdo vështirësi, ia del në çfarëdo situatë; bën atë që s’ta pret mendja; bën stan me dhen e me qen; nxjerr dy lëkurë nga një berr (nga një dele). Stan me lepuj tall. grumbull njerëzish të paaftë a të papërshtatshëm për një punë, që nuk ngulen në një vend, që nuk bashkohen dot e nuk përqendrohen për të bërë diçka; diçka krejt e pamundshme; thes me pleshta. Zbulon (prish) *shtëpinë për të mbuluar stanin (dikush)
VAL,~I m. kryes. nj. 1. Shesh në mal ku bariu ngre stanin për të veruar me bagëti. Bariu zgjodhi një val të përshtatshëm për të ngritur stanin e verës. Bagëtitë mrizonin në një val të freskët.
2. Luginë e gjatë ndërmjet malesh; vend i pjerrët në mal, me gurë shumë të vegjël që rrokullisen lehtë. Nga gjiri i maleve mbi fshat zbriste një val deri afër fshatit. Pas shiut, gurgullima e ujit zbriti me forcë nëpër valin e pjerrët. Nga maja e malit, mund të shihej një val i gjatë që përfundonte në një fushë.
3. Qafë mali. Pas disa orësh ecjeje, grupi arriti në valin që lidhte dy majat e maleve. Udhëtarët vendosën të pushonin pranë një vali që ndante dy malet.
✱Sin.: valishtë, lugore, qafalak, qafalik, rrëgallë.
VER/ÓJ vep., ~ÓVA, ~ÚAR 1. jokal. Kaloj verën në një vend, bëj pushimet e verës diku; vet. v. III kalon verën në bjeshkë (për bagëtinë). Shkoi për të veruar. Veruam në bregdet. Verojnë në fshat (në bregdet). E veron bagëtinë në bjeshkë.
2. kal. Çoj bagëtinë në bjeshkë dhe e mbaj atje për të kaluar verën; kaloj verën. E verojnë bagëtinë në bjeshkë. Çoj bagëtinë për të veruar. Ku e veruat verën?
✱Sin.: beharoj, bjeshkoj.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë