Fjalori

Rezultate në përkufizime për “vemizë”

Mëso si ta përdorësh
<<< Kthehu te kërkimi kryesor në fjalor

TENJË

TÉNJ/Ë,~A f. sh. ~A, ~AT zool. 1. Flutur me madhësi e ngjyra të ndryshme, që e ka larvën si vemje të hollë dhe që bren e dëmton shumë bimët, dyllin, ushqimet; vemje, vemizë.
2. Pjesë e parë e emërtimeve të pathjeshta për disa lloje tenjash që gjenden nëpër bimë të ndryshme, prej nga marrin edhe emrin. Tenja e ullirut (e hardhisë, e fikut). Tenja e drithit. Tenja e lakrës (e patates, e qepës). Tenja e miellit (e hambarit). Tenja e dyllit. Lufta kundër tenjës. I ka hyrë tenja bletës. Është dëmtuar nga tenja.
3. Molë. Tenja e rrobave. E ka ngrënë tenja rrobën (qilimin, velenxën).
4. Lëvrizë, shirit. I gjetën tenjë në bark. Është si tenjë është shumë i hollë, është shumë i dobët. I hyftë (i rëntë) tenja! (nëmë).
5. Krimb i drurit, brisë, kërrmi, kri. Ahut (pishës) i ka hyrë tenja. Tenja e gjësë së gjallë (veter.) kërrnjotë, butër. Të bren si tenjë të shkatërron në heshtje pa u ndier.
6. si mb. Dashakeq, qëllimkeq, përçarës; tenjan. Plak (plakë) tenjë.
✱Sin.: vemje, vemizë, molë, shirit, krimb, brisë, kërrmi, kri, kërrnjotë, butër.
♦ I ka hyrë tenja (dikujt). 1. Po e bren sëmundja nga brenda, i ka hyrë sëmundja. 2. E ka zili a inat dikë, nuk është i qetë derisa t’i bëjë keq.

VEMJE

VÉMJ/E,~A f. sh. ~E, ~ET zool. (lat. Bruco) 1. Larva si krimbi e disa kandrrave, që ka trajtën e një krimbi me disa unaza; larva leshtore e disa fluturave që dëmton pemët e barishtet; dhemizë. Vemja e kumbullës (e rrushit). Vemja e panxharit (e lakrës). Vemja e dushkut. Vemja e jonxhishteve.
2. Mizë që lëshon vezët në mish; vezët e kësaj mize. E pështyu vemja.
3. fig. Njeri i bezdisshëm, që të ngjitet e nuk të ndahet, që të bëhet rrodhe. Nuk të shqitet vemja deri të marrë atë që do.
✱Sin.: vemizë, gucimacë, krimbalesh, larvë, veth.
♦ E hëngri si vemja kumbullën (dikë) shih e hëngri si krimbi drunë(dikë). I hyri vemja (dikujt). 1. Është i sëmurë, i ka hyrë sëmundja brenda; e ka zënë tuberkulozi; i hyri krimbi. 2. (në shumës). Nisën të dyshojnë për njëri-tjetrin, të jenë të pakënaqur nga njëri-tjetri e të grinden ndërmjet tyre, futet në mes dyshimi, pakënaqësia etj. Iu ngjit si vemja pishës (dikujt) iu vu pas dikujt, iu qep e nuk i ndahet; iu bë ferrë.

VETH

VETH,~I m. sh. ~Ë, ~ËT zool. (lat. Lucilia sericata) Vemja (e mizave të mishit) që lëshohet nga një mizë në mish dhe e prish këtë. Ka vënë veth mishi e ka pështyrë miza mishin.
✱Sin.: vemje, dhemizë, vemizë, gucimacë, krimbalesh, larvë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë