Fjalori

Rezultate në përkufizime për “veleti”

Mëso si ta përdorësh
<<< Kthehu te kërkimi kryesor në fjalor

SHKATHTËSI

SHKATHTËSÍ,~A f. zakon nj. 1. Të qenët i shkathët e i shpejtë në veprimet e lëvizjet që bën; tipar i atij që është i shkathët, zhdërvjelltësi; kund. ngathtësi. Me shkathtësi të madhe. Shkathtësia e duarve (e mendjes). Shkathtësi profesionale. Tregoi shkathtësi. Vepron (përgjigjet) me shkathtësi. Shkathtësi për jetën. Manovrim me shkathtësi. Shkathtësi digjitale.
2. Lloj aftësie e fituar për të kryer veprimtari të caktuara (që zakonisht lidhen me të shkruarit e të lexuarit), zotësi. Krijoj shprehi e shkathtësi. Shkathtësi në të lexuar.
✱Sin.: zhdërvjelltësi, veleti, mprehtësi, lëvizshmëri, marifet, qerratallëk, djathtësi, aftësi, zotësi.

VELET

VELÉT,~I m. sh. ~Ë, ~ËT bised. Ai që është i shkathët, i zgjuar e dinak; që sillet a vepron me dredhi; që s'ia ha qeni shkopin, torlar. Ai veleti të jep ujë në shpinë të lugës. Nuk ia hedh dot veletit. Është velet i madh.
✱Sin.: dhelparak, qerrata.

VELETI

VELETÍ,~A f. bised. Shkathtësi, zgjuarsi; dinakëri, dhelpëri, kopili. Veproi me veleti.

ZGJUARSI

ZGJÚARSÍ,~A f. Të qenët i zgjuar, vetia e atij që është i zgjuar; mençuri, mendjemprehtësi; kund. budallallëk. Zgjuarsi natyrore (e lindur, e jashtëzakonshme). Zgjuarsia e popullit. Personifikim i zgjuarsisë. Udhëheq me zgjuarsi. Iu përgjigj me zgjuarsi. E tregoi zgjuarsinë e vet. Me largpamësi dhe me zgjuarsi kishte parashikuar fatet e vendit të vet. Prej zgjuarsisë dalin tri fryte: të mendosh mirë, të flasësh bukur dhe të veprosh drejt. (fj. u.).
2. fig. Të qenët dinak; dinakëri, dhelpëri. E pyeti larg e larg e me zgjuarsi, për të kuptuar të vërtetën.
✱Sin.: mençuri, mprehtësi, mendjemprehtësi, hollësi, veshti, dinakëri, dhelpëri, veleti.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë