Fjalori

Rezultate në përkufizime për “velet”

Mëso si ta përdorësh
<<< Kthehu te kërkimi kryesor në fjalor

TORLAR

TORLÁR,~E mb. Që është i shkathët, i zgjuar e dinak; që nuk bie lehtë në kurth a në grackë; që nuk ia ha qeni shkopin. Ujk torlar. Dhelpër torlare. Është torlar. Nuse torlare.
✱Sin.: i shkathët, i zgjuar, dinak, velet.

VEL

VEL vep., ~A, ~UR kal. 1. I jap dikujt një gjellë me shumë yndyrë ose ndonjë ëmbëlsirë me shumë sheqer a pemë shumë të ëmbla derisa të velet e të mos ketë më dëshirë të hajë nga ato; e ngop tej mase, sa s'mund të hajë më shumë. E vela me mjaltë. Më veli bakllavaja. Më veli mishi i majmë.
2. fig. E ngop tej mase dikë me diçka, duke ia plotësuar të gjitha kërkesat e nevojat, e bëj të mos ndihet më për diçka, e kënaq jashtë mase. E velën me dhurata. E veli me të mira (me peshqeshe, me para).
3. fig. keq. E mërzit a e bezdis tepër dikë; i ngjall neveri, bëhem i neveritshëm për (dikë). Më veli dikush m’u mërzit, s'e duroj dot. Na veli me fjalë.
✱Sin.: buhis, velesis, dend, stërngop, tejngop.

VELE

VÉLE,~T f. vet. sh. Verzë. Velet e peshkut.

VELET

VELÉT,~E mb., bised. Që është i shkathët, i zgjuar e dinak; që sillet a vepron me dredhi; që s'ia ha qeni shkopin, torlar. Burrë (djalë) velet. Nuse velete. Është velet. Bën gjoja se nuk di gjë, por të gjitha i nuhat e i merr vesh, është velet.
✱Sin.: dhelparak, qerrata, i shkathët.

VELET

VELÉT,~I m. sh. ~Ë, ~ËT bised. Ai që është i shkathët, i zgjuar e dinak; që sillet a vepron me dredhi; që s'ia ha qeni shkopin, torlar. Ai veleti të jep ujë në shpinë të lugës. Nuk ia hedh dot veletit. Është velet i madh.
✱Sin.: dhelparak, qerrata.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë