Fjalori

Rezultate në përkufizime për “velem”

Mëso si ta përdorësh
<<< Kthehu te kërkimi kryesor në fjalor

BACKOSEM

►BACKÓSEMI jovep., ~A (u), ~UR 1. vetv. Ha e pi jashtë mase; ngopem, urgusem. Hëngra shumë e u backosa.
2. pës. e BACKÓSI.
✱Sin.: ngopem, dendem, barkosem, zhdëpem, ngjishem, fryhem, fahem, velem, shembem, mbathem.

BAJALLDISEM

►BAJALLDÍS/EM jovep., ~A (u), ~UR 1. vetv. Më bie të fikët, më përzihet nga të ngrënët e tepërt; më vjen (kam) bajalldi; mekem; velem nga diçka, ngopem shumë, më bie bajalldi. U bajalldis nga mishi i derrit.
2. pës. e BAJALLDÍS.
✱Sin.: velem, velitem, stërngopem, mekem, lëmekem, vilanosem, laps.

BAJATEM

►BAJÁT/EM jovep., ~A (u), ~UR 1. vetv. Lodhem shumë, kapitem, dërrmohem.
2. vetv. Ligështohem, tretem, bëshnjakem. Është bajatur shumë që kur i vdiq djali.
3. vetv. Velem nga të ngrënat, velitem, veselitem. U bajatëm në dasmë.
4. pës. e BAJÁT.
✱Sin.: lodhem, kapitem, këputem, rraskapitem, mundohem, sqaqem, dërrmohem, ligem, ligështohem.

BUHITEM

►BUHÍT/EM jovep., ~A (u), ~UR 1. vetv. Velem1.
2. vetv., fig. Velem, stërngopem, neveritem. Jam buhitur me të e s’dua t’ia shoh më sytë.
3. pës. e BUHÍT.
✱Sin.: velem, velitem, tejngopem, veselitem.

NEVERIT

NEVERÍT (NEVERÍS) vep., ~A, ~UR kal. 1. E bëj t’i vijë neveri; vel, velit. Mos ia neverit gjellën! Na neveriti ky mish (kjo ëmbëlsirë). Era e keqe i neveriti të gjithë.
2. fig. E bëj diçka të mërzitshme e të padurueshme për dikë, duke ia dhënë me tepri ose në mënyrë të rëndë e të pakapshme; ia nxjerr nga zemra dikujt një njeri të afërm, një shok etj., duke i folur keq për të. Ia neveriti lëndën (mësimin). Ia neveriti pushimet. Ky realitet e neveriste. Më neverit ky fenomen.
3. Heq dorë dhe nuk kujdesem më për dikë a për diçka, braktis, lë pas dore. Neveriti shkollën. E neveriti familjen në mjerim.
✱Sin.: efshoj, vel, velit, vështiroj, gërdit, mërzis, vështiros, vështir, zvjerdh, pështiros, velem, vrazhdoj, ndyj, braktis.

NEVERITEM

►NEVERÍT/EM jovep., ~A (u), ~UR 1. vetv., vet. v. III Më vjen neveri nga një ushqim, nuk e ha më nga neveria, më vështiroset. I është neveritur ajo gjellë. Iu neverit alkooli.
2. fig., vetv. Provoj një ndjenjë të papëlqyeshme për dikë a për diçka; më mërzitet shumë dikush a diçka, mezi e duroj, s’e duroj dot, ndiej neveri. M’u neverit kur e pashë. U neverit nga skena që pa. Iu neverit ajo lloj jetese. Të neveritet të ndenjurit kot.
3. pës. e NEVERÍT.
✱Sin.: vrazhdohem, velem, vështiroset, përzihet, pështiroset, pështiret, mërzitet, vështiret, shpif, vështirohet, gërditet, gulçohet, vrazhdohet, pështillet, efshohet, ndotet, ndyhet, velitet.

NGOPEM

►NGÓP/EM jovep., ~A (u), ~UR 1. vetv. Ha e pi sa e shuaj plotësisht urinë a etjen; ha ose pi sa nuk mundem më, ngihem. Ngopem me bukë (me gjellë, me fruta). Nuk arrijnë të ngopnin barkun me bukë. Hëngri sa u ngop.
2. vetv., vet. v. III Mbushet me diçka; thith diçka në vetvete me shumicë, aq sa të mos mbajë më; kim. thith një lëndë tjetër në sasi të madhe, sa nuk merr më. U ngop toka me ujë. Ngopet me bojë. Ngopet tretësira.
3. fig., vetv. Plotësoj një nevojë për diçka; marr aq sa nuk dua më; kënaq një dëshirë me diçka, plotësoj deri në fund dëshirën për të pasur a për të bërë diçka. Nuk u ngop një herë me gjumë. Nuk ngopej me para. Nuk ngopet së shëtituri (së lexuari). Iu ngop syri (zemra). Nuk ngopet me lëvdata.
4. fig., vetv. Mbushem me tepri me diçka, zakonisht të padëshirueshme ose pa vlerë; nuk dua më. U ngopën me fjalë (me premtime). U ngop me katra në provime.
5. pës. e NGÓP.
✱Sin.: ngihem, nginjem, ndërlakem, gërbulem, citem, kënaqem, thembrosem, fryhem, mbushem, ënjtem, llahem, shembem, zhulatem, rrasem, kënditem, pallohem, zhapem, velem, mbathem, rrasem, ngjishem, dendem, zhdëpem, rrumbullohem, barkosem, rrafshohem, shqepem, kërpitem, kërtylem, velitem, grazhdohem, veselitem, kërdisem, rrushkullohem, përlugëtohem, zdapem, zdrahem.
♦ U ngopa me *bathë. M’u ngop *syri. M’u ngop *shpirti (zemra).

SHIGMOHEM

SHIGM/ÓHEM jovep., ~ÓVA (u), ~ÚAR vetv. Më neveritet dikush a diçka, pështirosem. Shigmohem sa herë e shoh atë ushqim.
✱Sin.: pështirosem, neveritem, velem.

VELITEM

►VELÍT/EM jovep., ~A (u), ~UR vetv. Velem.

VELJE

VÉLJ/E,~A f. sh. ~E, ~ET 1. Veprimi kur vel dikë a velem. Velje nga mishi (nga yndyra). Velje nga ushqimi i tepërt. Velje nga dhuratat. Velje nga fjalët e tepërta.
2. Gjendja kur vel dikë a kur velem, ndjenja që kam kur velem. E kapi një velje. Velja e ka rënduar shumë.
✱Sin.: velitje, velesitje, buhitje, stërngopje.

VELTOHEM

►VELT/ÒHEM jovep., ~ÓVA (u), ~ÚAR vetv. Velem.
✱Sin.: buhitem, nginjem, ngopem, fryhem, dendem, stërngopem.
2. pës. e VELTÓJ.

VESELITEM

►VESELÍT/EM jovep., ~A (u), ~ÚR 1. vetv. Ngopem me diçka derisa nuk ha dot më, velem; kënaqem shumë me të ngrënë. Ishte veselitur mirë.
2. vetv. Rritem e zhvillohem mirë. Ishte veselitur mirë djali.
3. vetv., vet. v. III Zhvillohet shumë, merr fuqi dhe rritet e shtrihet tej mase, harliset (për bimët). Janë veselitur pemët. U veselit rrushi.
4. pës. e VESELÍT.
✱Sin.: velem, harliset, azdiset.

ZBALTEM

►ZBÁLT/EM jovep. ~A (u), ~UR vetv. 1. vet. v. III Humbet shijen, bëhet pa shije (zakonisht për gjellët). U zbalt mishi. U zbalt gjella. U zbaltën fasulet.
2. Ha pak, fut diçka në gojë, ha sa për të njomur gojën, ha sa për të mos qenë fare esëll; ha sa për të zënë frymën. Vetëm sa u zbalt.
3. Velem, velitem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë