Fjalori

Rezultate në përkufizime për “velare”

Mëso si ta përdorësh
<<< Kthehu te kërkimi kryesor në fjalor

ZANORE

ZANÓR/E,~JA f. sh. ~E, ~ET gjuh. 1. Tingull që përftohet kur ajri kalon pa pengesë nëpër organet e të folurit, duke vënë në lëvizje tejzat e zërit; shkronja që shënon këtë tingull. Zanore gojore. Zanore e gjatë (e shkurtër). Zanore fundore (nistore). Zanore lidhëse (bashkuese). Zanore e theksuar (e patheksuar). Grup (tog) zanoresh. Gjatësia e zanoreve. Ndiqet nga një zanore. Ruajtja e zanoreve të gjata. Klasifikimi i zanoreve.
2. Pjesa e parë e emërtimeve të pathjeshta për disa nga llojet e zanoreve. Zanore buzore që nyjëtohen me pjesëmarrjen e buzëve (y, u, o). Zanore jobuzore që nuk nyjëtohen me anën e buzëve (i, e, a). Zanore hundore që përftohen në aparatin e të folurit kur njerithi ulet dhe një pjesë e rrymës së ajrit kalon nga zgavra e hundës. Zanore të përparme ose zanore qiellzore që nyjëtohen kur shpina e gjuhës ngrihet drejt qiellzës dhe maja ulet e mbështetet të dhëmbët e poshtëm (i, y, e). Zanore të prapme që përftohen në aparatin e të folurit kur trupi i gjuhës zhvendoset pas dhe pjesa e prapme e shpinës ngrihet drejt zonës velare, ndërsa maja largohet nga dhëmbët e poshtëm (ë). Zanore të mbyllura (të ngritjes së ulët) që nyjëtohen në aparatin e të folurit me gojën paksa të hapur dhe me gjuhën të ngritur në pozicionin më të lartë (i, y, e). Zanore të hapura (të ngritjes së lartë) që nyjëtohen në aparatin e të folurit me hapjen më të madhe të nofullave dhe me gjuhën në pozicionin më të ulët (a). Zanore gjysmë të mbyllura (të ngritjes së mesme) që ndodhen midis dy shkallëve (e, ë o,).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë