Fjalori

Rezultate në përkufizime për “vegjetativ”

Mëso si ta përdorësh
<<< Kthehu te kërkimi kryesor në fjalor

AMFOTONI

AMFOTONÍ,~A f., mjek. Çrregullim i sistemit nervor vegjetativ, që shfaqet me dëmtim të muskujve, me dëmtim të funksionimit të sistemit tretës dhe i atij urinar, me ngushtim të venave dhe të arterieve të trupit të njeriut, me dëmtim të sistemit riprodhues e që jep dhembje të mëdha.

NEUROVEGJETATIV

NEUROVEGJETATÍV,~E mb. Që i përket sistemit nervor vegjetativ.

SIMPATIK

SIMPATÍK,~E mb. 1. Që të ngjall ndjenjën e simpatisë, që të bën për vete, që të tërheq me vetitë e tij; kund. antipatik. Ishte një njeri simpatik. Ka qenë një drejtuese simpatike.
2. Që është i hijshëm e tërheqës nga pamja; i këndshëm. Djalë simpatik. Këngëtare me fytyrë simpatike.
3. fiziol. Që ka të bëjë me një pjesë të sistemit nervor vegjetativ. Nervat simpatike. Sistemi nervor simpatik.
✱Sin.: i këndshëm, i pashëm, tërheqës.
♦ *Bojë simpatike Lëng pa ngjyrë, që bëhet i dukshëm vetëm pasi të ngrohet dhe që përdoret për të shkruar diçka të fshehtë. Kishte përdorur bojë simpatike.

TUBER

TUBÉR,~I m. 1. mjek. Gungë, fryrje ose formacion i rrumbullakët në trup, shpesh në kocka ose inde.
2. bot. Organ i trashur nëntokësor i bimëve, që shërben si depo ushqyese dhe si mjet shumimi vegjetativ.

VEGJETATIV

VEGJETATÍV,~E mb. 1. biol. Që ka të bëjë a që lidhet me ushqimin dhe me rritjen a me zhvillimin e organizmave bimorë. Organet vegjetative organet e ushqimit dhe të rritjes te bimët (rrënja, kërcelli, gjethet). Pjesa vegjetative e bimës. Cikli vegjetativ koha që i nevojitet bimës nga mbirja deri në pjekje, periudha e zhvillimit dhe e rritjes së bimës. Periudhë vegjetative koha e vitit, gjatë së cilës shfaqet veprimtaria jetësore e bimës; periudha e rritjes dhe e zhvillimit të bimës. Shumëzim vegjetativ shumëzimi i bimëve që bëhet me anë të kërcellit, të rrënjës ose të gjethes. Pushim vegjetativ koha gjatë së cilës bima nuk rritet e nuk zhvillohet.
2. fiziol. Që ka të bëjë me sistemin nervor vegjetativ, pjesë e sistemit nervor që drejton veprimtarinë e organeve të brendshme dhe rregullon shkëmbimin e lëndëve në organizëm. Sistemi nervor vegjetativ.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë