Fjalori

Rezultate në përkufizime për “vazhduese”

Mëso si ta përdorësh
<<< Kthehu te kërkimi kryesor në fjalor

PASARDHËSE

PASÁRDHËS/E,~JA f. sh. ~E, ~ET 1. Ajo që vijon punën e dikujt në një fushë të caktuar të veprimtarisë shoqërore; ajo që ndjek rrugën a traditat e dikujt në një fushë, vazhdues a pasues i dikujt; kund. paraardhëse.
2. Ajo që zë vendin e një tjetri në një punë, në një detyrë etj.
3. Fëmija, e bija; trashëgimtarja. La tri pasardhëse. Nuk la pasardhëse.
✱Sin.: bijë, mbesë, stërmbesë, pinjolle, fëmijë, vazhduese, vijuese, pasuese, trashëgimtare, zëvendëse.

TRASHËGIMTARE

TRASHËGIMTÁR/E,~JA f. sh. ~E, ~ET 1. drejt. Ajo që trashëgon pasurinë a diçka tjetër pas vdekjes së pronarit; ajo që ka marrë ose ka të drejtë të marrë nga prindi një trashëgim. Trashëgimtare e pasurisë. Trashëgimtare testamentare (me testament). Trashëgimtare e caktuar që më parë.
2. Ajo që ka të drejtë të marrë pushtetin në një shtet monarkik pas vdekjes së mbretëreshës sipas ligjeve në fuqi; princeshë. Trashëgimtare e fronit.
3. Ajo që trashëgon, ruan, zhvillon e pasuron një trashëgim kulturor, artistik, shkencor etj.; vazhduese e një veprimtarie të shquar. Trashëgimtare e denjë e traditave më të mira.
4. bised. Fëmijë (vajzë), pasardhëse. Ka edhe trashëgimtare edhe trashëgimtarë. Pret një trashëgimtare pret një vajzë.
✱Sin.: trashëguese, vijuese, fëmijë, pasardhëse, princeshë, pinjolle.

VAZHDUESE

VAZHDÚES/E,~JA f. sh. ~E, ~ET Ajo që e vijon dhe e çon më tej një punë a diçka që ka nisur ose që e ka lënë dikush përgjysmë; ajo që ndjek një ide, një teori, një çështje të një paraardhësi; ndjekëse. Vazhduese e denjë. Vazhduese e traditave të mira.
✱Sin.: vijuese, pasuese, pasardhëse.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë