Fjalori

Rezultate në përkufizime për “vatan”

Mëso si ta përdorësh
<<< Kthehu te kërkimi kryesor në fjalor

ATDHE

ATDHÉ,~U m. 1. Vendi ku kemi lindur e ku jetojmë dhe ku kanë jetuar të parët tanë, vendi ku banon prej kohësh një popull a një komb, mëmëdhe; vendlindje, shtëpi e parë, tokë e etërve. Atdheu im (ynë). Dashuria (malli) për atdheun. I shërbej atdheut. Ranë për atdhe. Atdheu – kryeçështje. Atdheu i dytë vend i huaj ku jeton dikush për një kohë të gjatë dhe e ndien si vendin e vet. Duaj atdhenë, si shqipja folenë! (fj. u.).
2. Vendi ku lind e zhvillohet diçka për herë të parë, vendi prej nga buron a vjen diçka; vend i përshtatshëm për lulëzimin e diçkaje. Atdheu i poezisë (i arteve). Atdheu i një bime (i një kafshe).
✱Sin.: atdhe, mëmëdhe, atme, vatan, vend, vendlindje, tokë, truall, dhe, shtëpi.

SFUNGJI

SFUNGJÍ,~A f. sh. ~, ~TË hist. Bajonetë. Foshnja, gra, burra, e djem i shkuan në sfungji. Me sfungji do të grihemi, për vatan, për Shqipëri.

VATAN

VATÁN,~I m., bised. 1. Atdhe. E çliruan vatanin. Mbrojtja e vatanit. Vatani është vatra e ngrohtë. Ata luftuan për të mbrojtur vatanin.
2. Vendi (krahina, qyteti a fshati) ku ka lindur e ku banon dikush a ku kanë lindur të parët e tij, vendlindja. Vatani i të parëve tanë. E ka marrë nusen nga vatani. Ai u kthye nga mërgimi në vatan.
3. Toka shtëpia, prona, vatra familjare. A keni farë vatani? Atij i ka lënë i ati vatan të mirë. Vatanin e tij e kishte në një fshat të vogël. E lëshuan vatanin e ikën në qytet.
✱Sin.: mëmëdhe, vatër, truall, atme.

VENDLINDJE

VENDLÍNDJ/E,~A f. sh. ~E, ~ET 1. Vendi (fshati, qyteti, krahina, shteti) ku ka lindur dikush, vendi i lindjes së dikujt; atdheu. Vendlindja e heroit. Njohja e vendlindjes. Dashuria për vendlindjen. U kthye në vendlindje.
2. Vendi ku është zhvilluar së pari a është shpikur diçka; atdheu.
✱Sin.: vatan, mëmëdhe, atme, vatër, prag, shtëpi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë