Fjalori

Rezultate në përkufizime për “vatë”

Mëso si ta përdorësh
<<< Kthehu te kërkimi kryesor në fjalor

HEKTOVAT

HEKTOVÁT,~I m., fiz. Masë fuqie e barabartë me njëqind vatë (shkurt. hW).

KILOVAT

KILOVÁT,~I m. sh. ~Ë, ~ËT elektr. Njësi e matjes së fuqisë së rrymës e barabartë me një mijë vatë (shkurt. kw).

TERAVAT

TERAVÁT,~I m. sh. ~Ë, ~ËT fiz. Njësi matëse në fizikë e barabartë me 1 000 gigavatë ose me 1000 miliardë vatë (1012 vatë), (simboli TW).

TERAVAT-ORË

TERAVAT-ÓR/Ë,~A f. sh. ~Ë, ~ËT fiz. Njësi matëse e energjisë e barabartë me 1012 vatë-orë (simboli TWh).

VA

VA,~UI m. sh. ~, ~TË 1. Vend i cekët në një lumë ndërmjet dy brigjeve, ku zakonisht ky hapet më gjerë në shtratin e tij dhe mund të kalohet me këmbë për të dalë në anën tjetër. Vau i lumit. Va i gjerë. Kaloi në (nëpër) gjithë vatë që i dolën para. U fut në va. Doli në va. Sapo kaloi vaun me një mushkë. Kur s'ka urë, edhe vau është i mirë. (fj. u.).
2. Shteg kalimi në një pyll, në një arë etj. Kaluam një va që na nxirrte në një rrugë të ngushtë mali. Në pyllin e dendur, vetëm një va i ngushtë u tregonte udhën për më tej.
3. Gji liqeni. Peshkatarët i kishin ankoruar varkat e tyre në vaun e qetë të liqenit. Në fund të liqenit, një va i bukur ku mblidheshin shpendët ujorë.
4. fig., bised. Rrugëdalje, shteg për të dalë nga një gjendje e vështirë. Kërkon (lyp) va. Më në fund e gjeti një va për të dalë. Nuk gjen va askund. Gjaku i nxehtë kurrkënd nuk nxjerr në va. (fj. u.).
✱Sin.: dejë, cektinë, prevë, derven, zgjidhje.
♦ As në *han e as në va. Bie në va (me dikë) më në fund e kupton dhe pranon mendimet a kërkesat e dikujt; pajtohet dhe nis të shkojë mirë me të; e gjen fjalën; merret vesh; bie në ujdi. Dal në va i kaloj pengesat, i kapërcej vështirësitë dhe gjej rrugën e duhur për të bërë diçka; i shpëtoj një rreziku, dal në një gjendje më të qetë e më të sigurt; dal në cekë. Ia gjeti vaun (dikujt) shih ia gjeti shtegun (dikujt). E hodhi vaun (dikush) shih e hodhi lumin (dikush). E kaloi lumin në va (dikush) ndoqi rrugën më të lehtë e më të mirë për të zgjidhur diçka pa pasur pasoja të këqija; iu shmang pengesave, vështirësive a rreziqeve të panevojshme; e hodhi lumin pa u lagur (pa lagur këmbët). Mbytet në va (dikush) nuk është i zoti, nuk kalon dot as një vështirësi të vogël; mbytet në një lugë (me) ujë. E nxjerr në va (dikë) e shpëtoj nga rreziqet a nga hallet; e nxjerr nga një gjendje e vështirë në një gjendje të qetë e të sigurt; e nxjerr (e qit) në rrugë. Va e pa va. 1. Pa ditur dikush se ku do të vejë, pa e njohur vendin; kuturu. 2. Pa e njohur dikush çka duhet të bëjë e pa e ditur çdo të arrijë, verbërisht a kuturu; pa e ditur kur duhet e kur s’duhet diçka; vend e pa vend; rast e pa rast. 3. Si të mundë dikush a si t’i vijë, jo siç duhet; kot; mbarë e prapë. 4. Me përpjekje e me mundime të mëdha, me shumë vështirësi dhe ashtu si të mundesh; me mjete e me mënyra të rastit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë