Fjalori

Rezultate në përkufizime për “varroj”

Mëso si ta përdorësh
<<< Kthehu te kërkimi kryesor në fjalor

PLAGOS

PLAGÓS vep., ~A, ~UR kal. 1. I bëj plagë dikujt në një pjesë të trupit, i shkaktoj një plagë. Plagosi disa veta. E plagosi në krah (në këmbë). E plagosi me pushkë (me gur). E plagosën rëndë (lehtë, për vdekje). E plagosi pa dashur.
2. I shkaktoj një bime një të çarë; e godas me diçka të fortë dhe e dëmtoj. Plagosi fidanin. Plagosi rrënjën (trungun).
3. fig. I shkaktoj dikujt një dhembje të madhe shpirtërore, e lëndoj në shpirt, e pikëlloj, e brengos; e prek rëndë. I plagosi zemrën. I plagosi sedrën.
✱Sin.: plag, plagoj, lëndoj, varroj, shitoj lëvarr, lavos, vras, pikëlloj, brengos, fshik, godit, gjakos, qëlloj, shemb, mbret (mbres), shkel, shtyp, gandoj, copëtoj, dërrmoj, shajtoj, çaj, dëmtoj, prek, hidhëroj.
♦ Më plagosi *zemrën (shpirtin) (dikush a diçka).

VARROS

VARRÓS vep., ~A, ~UR 1. kal. E shtie të vdekurin në varr dhe e mbuloj me dhe, e shtie në dhe; kund. zhvarros. Varrosi gjyshen. E varrosen me nderime. E varrosen në varrezat e qytetit. Gjyshi e varrosi gruan e tij në një varr të thjeshtë.
2. fig. E quaj të vjetruar a të përmbysur diçka; gropos; e flak tutje, e zhduk; e humbas a e harroj përgjithnjë. I varrosën zakonet prapanike. E varrosëm botën e vjetër (pushtetin e vjetër). I varrosi shpresat.
3. fig., kal. E mbyll fare një punë a një çështje, e bëj që të mos dalë më në shesh. Aty e tha, aty e varrosi. Aty e varrosi çdo dyshim.
4. pës. e VARRÓSEM.
✱Sin.: varroj, mbuloj, kall, gropoj, mbëltoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë