Fjalori

Rezultate në përkufizime për “varrim”

Mëso si ta përdorësh
<<< Kthehu te kërkimi kryesor në fjalor

FUNERAL

FUNERÁL,~I m. sh. ~E, ~ET Ceremoni e përmortshme që bëhet kur varroset dikush; varrim. Funeral zyrtar. Morën pjesë në funeral.

GROPOSJE

GROPÓSJ/E,~A f. Veprimi kur groposet diçka ose dikush.
✱Sin.: gropim, thellim, zhytje, varrim, vdekje, maskim.

PLAGOSJE

PLAGÓSJ/E,~A f. sh. ~E, ~ET 1. Veprimi kur plagos ose kur plagosem. Plagosje me dashje (pa dashje).
2. Rrjedhimi i veprimit kur plagos ose kur plagosem.
✱Sin.: plagie, plagim, lëndim, varrim, shitim, lëndim, vrasje, goditje, fshikje, gjakosje, shembje, gandim, shajtim, çarje, dëmtim, prekje, pikëllim, brengosje, hidhërim.

TENESHIR

TENESHÍR,~I m. sh. ~A, ~AT vjet. 1. Shtrat dërrase a dërrasë e gjerë mbi të cilën myslimanët lanin kufomën dhe e përgatisin për varrim. E lanë në teneshir. E lafshin në teneshir (nëmë)! Vdektë! Ishte bërë teneshir (dikush) 1. Ishte dobësuar shumë. 2. Ishte zbehur, ishte bërë meit.
2. Vig për të çuar të vdekurin në varreza.

VAJMADH

VAJ/MÁDH,~I m. sh. ~MËDHÉNJ, ~MËDHÉNJTË Ai që qan shumë, me të madhe. Në varrim dëgjoheshin zërat e vajmëdhenjve, që i thërrisnin të ndjerit gjatë gjëmës.

VARRESË

VARRÉS/Ë,~A f. sh. ~A, ~AT Varrim, varrezë.

VARRIM

VARRÍM,~I m. sh. ~E, ~ET 1. Përcjellët e një të vdekuri, shtënie e të vdekurit në varr, kryerja e varrimit; kund. zhvarrim. Vendi i varrimit. Dita e varrimit. U bë varrimi.
2. Ceremonia e përcjelljes së trupit të të vdekurit për në varr. Sipërmarrës i varrimit. Ceremonia e varrimit. Varrim solemn. Shpenzimet e varrimit. Shkoi (mori pjesë) në varrimin e një miku.
✱Sin.: varrosje, groposje, mbulim, prehje, funeral.

VARRIMOR

VARRIMÓR,~E mb. 1. Që ka të bëjë me varrimin, që i përket varrimit, i varrimit; që përdoret në varrim; funeral. Shërbim varrimor. Ceremoni varrimore.
2. fig. Që të kujton vdekjen a varrimin, i zymtë, i trishtuar. Zë varrimor.

VARROSJE

VARRÓSJ/E,~A f. sh. ~E, ~ET 1. Varrim1,2. Dita e varrosjes.
2. fig. Veprimi kur flakim tutje diçka që i ka ikur koha, që është vjetruar a kur mbyllim një punë, një çështje, një problem. Varrosja e së vjetrës.

VARRËSI

VARRËSÍ,~A f. Varrim.

VËRCALL

VËRCÁLL vep., ~A, ~UR 1. jokal. Ha darkë të përmortshme, vërcall. Vërcallën së bashku pas varrimit.
2. kal. I jap të hajë vërcall dikujt, darkë të përmortshme. Vërcalli pjesëmarrësit në varrim.

ZHVARRIM

ZHVARRÍM,~I m. sh. ~E, ~ET Zhvarrosje; kund. varrim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë