Fjalori

Rezultate në përkufizime për “variacion”

Mëso si ta përdorësh
<<< Kthehu te kërkimi kryesor në fjalor

DIAFONIK

DIAFONIK,~E mb. Që lidhet me diafoninë, i diafonisë. Të kënduarit diafonik e polifonik. Variacion diafonik i fjalës. Ndryshim diafonik. Rast diafonik në regjistrin gjuhësor.

SHQIPTIMOR

SHQIPTIMÓR,~E mb., gjuh. Që ka të bëjë me shqiptimin. Veçori (norma) shqiptimore. Ana shqiptimore. Rrafshi shqiptimor. Variacion shqiptimor.

SOCIOLEKT

SOCIOLÉKT,~I m. sh. ~E, ~ET Varietet i gjuhës që përdoret nga grupe të ndryshme shoqërore dhe që karakterizohet nga veçori gjuhësore që lidhen me faktorë të ndryshëm, si: klasa, grupmosha apo përndarja gjeografike e individëve. Sociolekt i një grupi shoqëror të caktuar. Sociolektet si variacion i gjuhës tek të rinjtë. Përdorin një sociolekt të veçantë që i bën të dallueshëm nga grupet e tjera shoqërore.

VARIACION

VARIACIÓN,~I m. sh. ~E, ~ET 1. libr. Ndryshim në anët a në pjesët e dorës së dytë të diçkaje, pa prekur atë që është kryesore ose thelbësore, ndryshim në disa tipare jo të qenësishme; ndryshim, lëvizja a luhatje e diçkaje brenda një mase të caktuar. Variacioni i relievit. Variacionet e temperaturës.
2. Ndërrim nga një gjendje në një tjetër; ndërrimi i veprimeve, i punës a i mënyrës së jetesës së përditshme për të larguar mërzitjen ose për të thyer monotoninë; larmi. Punë me variacione. E kalon verën në fshat për variacion.
3. muz. Ndryshim që i bëhet një melodie a një teme muzikore, pa prekur elementet kryesore të motivit të saj. Variacion melodik. Temë me variacione.
✱Sin.: llojllojshmëri, ndryshueshmëri.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë