Fjalori

Rezultate në përkufizime për “varavingem”

Mëso si ta përdorësh
<<< Kthehu te kërkimi kryesor në fjalor

TARAHENDEM

TARAHÉND/EM jovep., ~A (u), ~UR bised., vetv. Sillem rrotull pa ndonjë punë, tarahitem. Tarahendet gjithë kohës rrugëve.
✱Sin.: sillem, vërdallosem, sorollatem çobanoj, kapistallem, hallakatem, varavingem, tarahitem, endem, bredh.

TARAHITEM

►TARAHÍT/EM jovep., ~A (u), ~UR vetv. 1. Endem lart e poshtë, tarahendem, sorollatem, bredh. Tarahitet gjithë ditën pa prekur punë me dorë.
2. Vidulohem, përkëdhelem, llastohem. Tarahitet si fëmijë.
3. euf. Kaloj dorë më dorë. Është tarahitur sa veç ajo e di.
✱Sin.: sillem, vërdallosem, sorollatem, çobanoj, kapistallem, hallakatem, varavingem, tarahendem, endem, vidulohem, përkëdhelem, llastohem, bredh.

TRAPIT

TRAPÍTI (TRAPÍS) vep., ~A, ~UR 1. jokal. Kaloj nëpër shtigje të ngushta a nëpër dhiare, eci nëpër trape (në mal a në pyll); eci nëpër shtigje që e shkurtojnë udhën, shkoj rrugë e pa rrugë për të arritur më shpejt, i bie shkurt, pres shkurt. Trapiti sapo e lajmëruan.
2. jokal. Bredh poshtë e përpjetë, shëtit a shkoj andej-këndej, sorollatem. Trapit gjithë ditën. Trapit andej-këtej. Nga trapite sot gjithë ditën? Kush trapit shumë, mbetet pa punë. (fj. u.).
3. kal. Kërkoj diçka a dikë andej-këtej, e kërkoj në çdo vend. E ku nuk e trapitën, po nuk e gjetën dot. E trapiti tërë ditën. S’lanë vend pa e trapitur.
✱Sin.: kaloj, eci, bredh, shëtit, sorollatem, varavingem, kërkoj.

VARAVINGO

VARAVÍNGO,~JA f. sh. ~, ~T bised. Veprimi kur varavingem; sorollatje. Ato varavingo të përsëritura të të skamurve të qytetit ishin bërë si një rit i zakonshëm. Varavingot për atë janë të përditshme.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë