Fjalori

Rezultate në përkufizime për “vapët”

Mëso si ta përdorësh
<<< Kthehu te kërkimi kryesor në fjalor

NXEHTË

NXÉHTË (i, e) mb. 1. Që ka një temperaturë të lartë, që ka nxehtësi; kund. i ftohtë, i acartë. Uji i nxehtë. Ajër i nxehtë. Hekur i nxehtë. Shtrat i nxehtë. bujq. Burime ujërash të nxehta.
2. Që sapo ka dalë nga furra, që sapo është zier ose pjekur. Bukë e nxehtë. Gjellë e nxehtë. Petullat ishin akoma të nxehta.
3. Që është me vapë të madhe (për motin); që ka klimë me temperaturë të lartë gjatë gjithë vitit. Verë e nxehtë. Ditë e nxehtë. Klimë e nxehtë. Vende të nxehta.
4. Që lëshon nxehtësi. Diell i nxehtë. Afsh i nxehtë.
5. fig. Që është shumë i përzemërt dhe i afërt; që bëhet me dashuri dhe përzemërsi të madhe, shumë i ngrohtë. Pritje e nxehtë. Përshëndetje të nxehta. Urimet më të nxehta.
6. fig., libr. Që është në një gjendje të nderë, me konflikte dhe rreziqe lufte. Situatë e nxehtë. Konflikt i nxehtë. Pikë e nxehtë. Rajon i nxehtë i botës. Luftë e nxehtë luftë e armatosur, luftë me armë (në kundërvënie me “luftë e ftohtë”).
7. tek. Që bëhet në temperaturë të lartë. Përpunimi i nxehtë i metaleve.
8. fig. Që zemërohet shpejt, që merr zjarr menjëherë; që e shfaq një ndjenjë me forcë të madhe. Temperament i nxehtë. Ka gjak të nxehtë.
✱Sin.: i valë, furrë, i valët, shkul, hamull, i vapët, i sapopjekur, përvëlues, furrë, zjarr, avull, i përzemërt, i ngrohtë, i nderë, i tendosur, nevrik, gjaknxehtë.
♦ Me *gjak të nxehtë. I ka brirët të nxehtë (dikush) përkrahet nga dikush, gjen mbështetje; i ka krahët të ngrohtë. Me *kokë të nxehtë. Me *mendje të nxehtë. E rreh *hekurin të nxehtë (dikush).

VAPËT

VÁPËT (i, e) mb. Shumë i nxehtë, me shumë vapë. Natë e vapët. Klimë e vapët. Zonë e vapët. Dhoma të vapëta.
✱Sin.: i nxehtë, furrë.

VAPËTOHEM

►VAPËT/ÓHEM jovep., ~ÓVA (u), ~ÚAR 1. vetv. Vapohem; nxehem. U vapëtua shumë në diell. U vapëtuam nga ecja.
2. pës. e VAPËTÓJ.

VAPËTOJ

VAPËT/ÓJ vep., ~ÓVA, ~ÚAR kal. E bëj që të ketë vapë, i shtie vapën; bëj vapë; e nxeh; kund. freskoj. Na vapëtoi me atë zjarr. Dielli vapëtoi fushën. E ka vapëtuar dielli rërën.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë