Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
KËRC/ÉJ vep., ~ÉVA, ~ÝER jokal. 1. Marr hov dhe hidhem përpjetë, përpara ose anash, duke përdorur muskujt e këmbëve; hidhem përpjetë. Kërcej me një këmbë. Kërcej pupthi.
2. edhe kal. Vërsulem me shpejtësi në drejtim të dikujt a diçkaje; i hidhem përsipër dikujt a diçkaje. I kërceu në grykë (në fyt, në kurriz) (dikujt).
3. edhe kal. Kapërcej dikë, kaloj mbi dikë a mbi diçka, duke u hedhur me vrull. Kërceu murin (lumin).
4. edhe kal. Hedh valle, vallëzoj. E kërcen bukur vallen popullore.
5. bised., jokal., kryes. v. III Ngrihet lart a bymehet, del a shfaqet menjëherë mbi sipërfaqe. Kërceu mbi sipërfaqen e detit (për delfinin ose për dikë a diçka që kanë qenë të zhytur në det). I kërceu një bullungë në ballë. I kërceu temperatura iu ngrit temperatura.
6. fig., bised., jokal., v. III I shpërthen dikujt a i lind menjëherë një ndjenjë që bie në sy; i hip. I kërceu inati (damari) u inatos. I kërcyen xhindet u inatos shumë.
7. jokal. Përgjigjem menjëherë e pa u përmbajtur (kur duam të kundërshtojmë dikë për diçka); brof. I kërceu me fjalë.
✱Sin.: kapërcej, hidhem, vallëzoj, brof, hip.
♦ I kërcen *arusha në dasmë (dikujt). Kërcen sipas *dajres (së dikujt) përb. I kërceu *damari (delli) (i ballit) (dikujt). Kërcen pas *dasme (dikush). Kërcen (hedh këmbët) siç bie *daullja (sipas daulles) (dikush). I kërcyen (i hipën) *djajtë (dreqërit) (dikujt). I kërcyen (i hipën) dreqërit (*djajtë) (dikujt). E kërceu (e kapërceu, e hodhi) *gardhin (dikush). I kërcyen (i hipën) *kacabunjtë (dikujt). I kërceu *kandari (dikujt). I kërceu (i hipi) në *kokë (në krye) (dikujt). Kërceu (hedh këmbët) sipas *lodrës (dikush). Kërceu (u hodh, hovi) *përpjetë (dikush). Kërce (hidhu) *përpjetë! Kërcen *prifti nga belaja. Kërcen (qesh) në *prush (dikush). Kërce (hidhu) në *qiell! Kërce (hidhu) në *tavan! Kërce (hidhu) në *tra! Më kërceu (më hipi) në *tru. Vetë *këndon e vetë kërcen (dikush) tall.
TÁNGO,~JA f. sh. ~, ~T 1. Pjesë muzikore e lehtë, me ritëm të ngadalshëm.
2. Vallëzim gjatë të cilit çiftet bëjnë një hap në njërën anë dhe dy nga ana tjetër. Tango e lehtë. Vallëzoj (kërcej) një tango. Tango argjentinase vallëzim salloni, sipas të cilit çifti bën shumë lëvizje të ngadalta duke ndërfutur këmbët te njëri-tjetri. Duhen dy vetë për të kërcyer tango thuhet kur veprimet duhet të kryhet nga dy vetë dhe jo në mënyrë të njëanshme.
►VALLËZ/ÓHET jovep., ~ÚA (u), ~ÚAR 1. vet. v. III Hidhet, kërcehet, luhet një valle së bashku me një tjetër a me disa të tjerë. U vallëzua një valle popullore. Atje këndohet e vallëzohet. Nga të rinjtë u vallëzua pogonishtja. Nuk më vallëzohet. Vallëzuan një valle popullore.
2. vetv. Kërcehet çift me dikë një valle. Vallëzohet një tango.
3. pës. e VALLËZOJ1.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë