Fjalori

Rezultate në përkufizime për “vakoj”

Mëso si ta përdorësh
<<< Kthehu te kërkimi kryesor në fjalor

NGROH

NGROH vep., ~A, ~UR kal. 1. E bëj të ngrohtë, i ngre pak temperaturën; i heq të ftohtët, i kthej ngrohtësinë; kund. ftoh. Ngroh dhomën (zyrën, shtëpinë). Ngroh ujin (qumështin, gjellën). Ngroh duart (këmbët). Ngroh në zjarr. Fërkoj duart për t’i ngrohur. Ngroh vezët (një shpend) rri sipër vezëve derisa të dalin zogjtë. Dielli ngroh (lind) për të gjithë. (fj. u.). Flaka të djeg, prushi të ngroh. (fj. u.).
2. vet. v. III Lëshon ngrohtësi, jep ngrohtësi. Ngroh dielli. Ngroh zjarri (soba).
3. fig. I jap zemër me fjalë të mira e me qëndrim të afërt; i ngjall besim e shpresë për diçka; e afroj. I ngroh zemrën (shpirtin). Fjalët e tij na ngrohën. Ma ngrohe zemrën me këtë lajm të mirë. Ai s’më ngroh nuk kam shumë shpresë tek ai, nuk i kam aq besim. Kjo punë s’më ngroh. Ato fjalë s’më ngrohin.
✱Sin.: përavulloj, vak, nxeh, vakoj, thek, zhegoj, zhegit, thekërroj, shalakuq, shullën, gjallëroj, afroj, inkurajoj, miqësoj.
♦ As të ngroh e as të ftoh. 1. (dikush). Nuk të bën as mirë e as keq; nuk shqetësohet fare, nuk të ndihmon, nuk të nxit, por as nuk të ndalon; nuk ta kryen një punë ashtu si duhet; as prish e as ndreq; as ndez e as shuan; as të prin e as të ndjek; as qan e as qesh; (s’është) as për tutje e as për tëhu; as të pjek e as të djeg. 2. Nuk të lë mbresa, nuk të prek fare, as të gëzon e as të hidhëron (një njeri, një vepër etj.); as ndez e as shuan. 3. (diçka). Është pa vlerë, nuk ka dobi; si ta kesh, si të mos e kesh njësoj është; as prish e as ndreq. Ngroh *vezë (dikush) tall. Ia ngrohu *xhepin (dikujt). Ma ngroh *zemrën (shpirtin) (dikush a diçka).

VAK

VAK vep., ~A, ~UR kal. 1. E ngroh pak diçka, e bëj të vakët. Vak ujin. Vetëm sa e vaku pak qumështin. Dielli e vaku tokën.
2. E bëj të ngrohtë diçka duke i ngritur pak temperaturën. Vak dhomën. Vaka duart duke i fërkuar. Pula vak vezët duke qëndruar mbi to derisa të dalin zogjtë.
3. fig. E dobësoj diçka, ia ul vrullin a forcën, e pakësoj, e fashit, e venit (për vullnetin, dashurinë etj.). Ia vaku vullnetin (gëzimin). Ia vaku shpresat. Ia vaku ndjenjat.
✱Sin.: vakoj, ngroh, nxeh, dobësoj, pakësoj, venis.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë