Fjalori

Rezultate në përkufizime për “vadë”

Mëso si ta përdorësh
<<< Kthehu te kërkimi kryesor në fjalor

CURRIL

CURRÍL ndajf. Duke rrjedhur me forcë (për ujë a lëngje). Shkon curril. Del curril. Rrjedh curril. Bie curril (shiu).
✱Sin.: çurg, rrëke, bisk, rrëkajë, fill, vrushkull, lëfyt, flashkë, vadë.

SHARANË

SHARÁN/Ë,~AII f. sh. ~A, ~AT Përrua i vogël, përroskë; rrëke uji. Pranë shtëpisë i kalonte një sharanë. Derrat po zhgërryheshin në ujin e sharanës.
✱Sin.: përroskë, rrëke, rrëkajë, cilik, she, vadë, vijë.

VADË

VÁD/Ë,~A f. sh. ~A, ~AT 1. Tërësia e vijave që bëhen në një arë a në një kopsht dhe e lugjeve që vendosen për të ujitur; vijë për ujitje; sasia e ujit që duhet për të ujitur një arë a një kopsht. Vadë e gjerë (e ngushtë). Tokë nën vadë tokë që mund të ujitet, tokë nën ujë. Tokë mbi vadë tokë që nuk mund të ujitet. Erdhi vada. Lëshoi vadën. Po pret vadën. Ka radhën e vadës. Një vadë ujë. Shteroi vada. Ia qiti vadat (vijat) arës. E shtriu vadën me tubacione. E bëri vadën gati me lugje. Kemi shpëtuar qysh kur na erdhi vada.
2. Ujitje, vaditje. Po merrej me vadën e arës.
3. Rendi i ujitjes; radha e marrjes së ujit për ujitje. Koha (dita) e vadës. Sot ka vadën. Po pret vadën.
✱Sin.: vijë, kanal, rrëkajë, çurg, rrëke, jaz, she.

VADË

VÁDË ndajf. Rrëkajë, çurg. Vjen uji vadë. Bie shiu vadë. I rridhnin djersët vadë. I shkonte gjaku vadë.

VODAÇ

VODÁÇ,~II m. sh. ~Ë, ~ËT Rrymë uji që i lëshohet arës, uji që mbush vijën e që mjafton për të ujitur arën, kopshtin, pemishten etj. Një vodaç ujë.
✱Sin.: vadë, rrëke, çurg.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë