Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
HETÚES/E,~JA f., sh. ~E, ~ET 1. Ajo që heton një krim a një kundërvënie penale.
2. Punonjëse a specialiste, që merret me vëzhgimin dhe shqyrtimin e rrethanave në të cilat është kryer një krim ose një kundërvajtje penale.
✱Sin.: shqyrtuese, hulumtuese, vëzhguese, gjurmuese.
PËRGJÚES/E,~JA f. sh. ~E, ~ET 1. Ajo që përgjon. Përgjuese e lëvizjeve diplomatike.
2. Pajisje përgjuese.
✱Sin.: vëzhguese, mbikëqyrëse, survejuese, spiune, çimkë.
REGJISTR/ÓJ vep., ~ÓVA, ~ÚAR kal. 1. Shkruaj ose shënoj në regjistër; e hedh në një regjistër për ta mbajtur si dokument. Regjistroj librat. Regjistroj veprimet e llogarisë (aktet zyrtare). Regjistroj ditët e punës. Regjistroj martesën (lindjen). Regjistroj emrat e nxënësve.
2. I shënoj emrin në një listë me qëllim që të pranohet në një shkollë ose që të marrë pjesë në një punë a në një veprimtari tjetër; kund. çregjistroj. E regjistroj në shkollë (në kurs). E regjistroj në klasën e parë.
3. spec. Shënoj me anë të aparateve të posaçme të dhënat për madhësinë, vlerat ose veçoritë e dukurive të ndryshme për t’i studiuar më pas; ngulit në një disk kompjuteri, në një pllakë gramafoni, në një shirit magnetik, në një letër, në një film etj. me ndihmën e një aparati tingujt, pamjet, dukuritë për t’i riprodhuar më pas. Regjistroj temperaturën (shtypjen, lëkundjet). Regjistroj zërin (këngën, koncertin). Regjistroj një emision prodhoj, realizoj. Regjistroj në shirit magnetofoni. E regjistroi në celular (në kompjuter). Kamerat vëzhguese regjistruan lëvizjet e keqbërësit.
4. Vërej një dukuri ose një ngjarje dhe e ruaj në kujtesë, memorizoj. Regjistronte çdo ndryshim në fytyrën e tjetrit. I regjistron të gjitha ç’dëgjon.
SHIKÚES/E,~JA f. sh. ~E, ~ET 1. Ajo që shikon diçka në një rast të caktuar; vëzhguese, soditëse. Ai detaj ishte i padukshëm për syrin e shikueseve.
2. Ajo që ndjek një program, një ndeshje etj., ajo që shkon për të parë një shfaqje; spektatore. Vështrimi admirues i shikueseve. Finalja e futbollit kishte ngulur para ekranit edhe qindra shikuese.
✱Sin.: vëzhguese, soditëse, spektatore.
VËZHGÚES,~E mb. 1. Që ka aftësinë për të vëzhguar e për të vënë re hollësi të vogla të ngjarjeve, të dukurive etj.; që depërton në gjërat, depërtues, i mprehtë. Njeri vëzhgues. Shikim (vështrim) vëzhgues. Me sy vëzhgues.
2. usht. Që është i caktuar për të vëzhguar dikë a diçka, i ngarkuar të vëzhgojë. Pikë (kullë) vëzhguese. Aeroplan vëzhgues. Anije vëzhguese.
✱Sin.: vrojtues, mbikëqyrës. këqyrës, përgjues, depërtues.
VËZHGÚES/E,~JA f. sh. ~E, ~ET 1. Ajo që vëzhgon dikë a diçka. Vëzhguese e vëmendshme.
2. Ajo që është ngarkuar me një detyrë të veçantë për të vëzhguar diçka, ajo që bën vëzhgime në një fushë të caktuar të veprimtarisë a që ndjek çështje të caktuara. Vëzhguese shkencore. Mori pjesë si vëzhguese. Marr pjesë si vëzhguese në konferencë.
3. Ajo që është ngarkuar të bëjë komentet në shtyp dhe media të tjera për çështje të caktuara. Komenti i vëzhgueses.
✱Sin.: vrojtuese, mbikëqyrëse, këqyrëse, përgjuese, depërtuese.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë