Fjalori

Rezultate në përkufizime për “vëngoj”

Mëso si ta përdorësh
<<< Kthehu te kërkimi kryesor në fjalor

SHKEP

SHKEPI vep., ~A, ~UR krahin. Eci duke u mënjanuar; çaloj, vëngoj. Ecte duke shkepuar. Shkepon shumë. Shkepon me këmbën e majtë.
✱Sin.: çaloj, shqepoj, vëngoj, vëngëroj.

SHKEPOJ

SHKEP/ÓJ vep., ~ÓVA, ~ÚAR jokal. Çaloj, vëngoj, shqepoj. Shkeponte nga pak. Shkepon me njërën këmbë.

VËNGOJ

VËNG/ÓJ vep., ~ÓVA, ~ÚAR 1. kal. edhe jokal. Vëngëroj. Ia hodhi një vështrim duke vënguar sytë. I vëngojnë sytë.
2. jokal. Eci a shkoj shtrembër, eci në një krah; çaloj pak në njërën këmbë. Vëngon ngapak gjatë ecjes. Vëngon me këmbën e djathtë.
✱Sin.: vëngoj, gemtoj, shtrembëroj, çaloj, shqepoj.

VËNGËROJ

VËNGËR/ÓJ vep., ~ÓVA, ~ÚAR 1. jokal. I shkon shtrembër; vete vëngër, sheh shtrembër (për sytë). I vëngërojnë sytë.
2. edhe kal. Shoh shtrembër, jam i vëngër; e shikoj dikë me bisht të syrit a vjedhurazi. Ka ca kohë që vëngëron. Ka vëngëruar që fëmijë. E vëngëroi nga këmbët te koka.
3. kal. Shtrembëroj (për sytë). Vëngëroi sytë shikoi shtrembër.
4. fig., edhe kal. E shikoj dikë me inat a me keqdashje; e shikoj me zili a me dyshim. Ia vëngëroi sytë gjatë (dikujt).
✱Sin.: vëngoj, gemtoj, shtrembëroj.

ÇALOJ

ÇAL/ÓJ vep., ~ÓVA, ~ÚAR jokal. 1. Eci duke shkuar anash ngaqë kam njërën këmbë më të shkurtër ose ngaqë i kam të dyja të shtrembra a të sëmura, eci çalthi. Çalon nga këmba e majtë. Çalon shumë (pak). Ecën duke çaluar. Plagët e detyronin të çalonte. Dhe Jakobi çalonte për shkak të ijës.
2. fig., vet. v. III Bëhet me të meta, nuk ecën në rregull diçka; ka të meta. Çalon puna. Çalon nga ekonomia. Çalon nga ana artistike (e stilit). Sepse tani bashkëpunimi çalon mjaft.
3. fig. Nuk përparoj mirë në një mësim a në një punë, e përvetësoj me të meta; e bëj me të meta diçka, kam të meta e zbrazëti. Çaloj në mësime (në punë). Çalon te gjuajtja. Çalonim tek metodologjia e studimit.
4. kal., fig. E bëj që të mos ecë në rregull, i nxjerr pengesa për të mos shkuar mirë, pengoj. Ia çaloi punën. Ai po na çalon.
✱Sin.: shqepoj, vëngoj, pengoj.
♦ Çalon nga të dyja *këmbët (diçka). Çalon nga *mendja (dikush). keq. Çalon nga *trutë (dikush).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë