Fjalori

Rezultate në përkufizime për “vëngarash”

Mëso si ta përdorësh
<<< Kthehu te kërkimi kryesor në fjalor

SHAKSHI

SHAKSHÍ,~E mb. Që i ka sytë e vëngërt, vëngosh; syshtrembër, vëngarash, çakërr. Djalë shakshi. Ishte pak shakshie. Grua shakshie.
✱Sin.: i vëngërt, vëngosh, syll, syshtrembër, syshakshi, vëngarash.

STRABIK

STRABÍK,~E mb., mjek. Që i ka sytë të shtrembër; që shikon shtrembër. Njeri strabik. Është pak strabike.
✱Sin.: i vëngër, i vëngërt, vëngarash, vëngërosh, vëngosh, syvëngër, syshtrembër, syçakërr, çakërr, geman, i gemtë, i mëngjër, syll, katrasyll, i kërthët, çatall, i shtëngër.

SYÇAKËRR

SYÇAKËRR,~E mb., bised., keq. Që nuk e përqendron dot në një vend shikimin e të dy syve, që shikon shtrembër; i vëngër. Djali ishte syçakërr. Fëmijë syçakërr.
✱Sin.: syvëngër, vëngarash.

VRËNGOSH

VRËNGÓSH,~E mb. Vëngarash.

VRËNGOSH

VRËNGÓSH,~I m. sh. ~Ë, ~ËT Vëngarash.

VËNGËR

VËNGËR (i, e) mb. 1. Që i ka sytë të shtrembër; që shikon shtrembër, syçakërr, syll. Njeri i vëngër. Me sy të vëngër. Është pak i vëngër.
2. fig. Që shpreh inat, keqdashje e mospërfillje; që shpreh zili a dyshim. Shikim (vështrim) i vëngër.
3. fig. I ngatërruar; ters. Punë e vëngër. Është njeri i vëngër.
✱Sin.: vëngarash, vëngërosh, i vëngërt, vëngosh, syvëngër, syshtrembër, syçakërr, çakërr, çeker, keqdashës, ziliqar.

ÇARTALLOSUR

ÇARTALLÓSUR (i, e) mb., bised. 1. Që sillet me guxim të madh si i krisur e në mënyrë të papërmbajtur. Ne kemi një çetë të çartallosur të zgjedhurish. Lumi malor që rrjedh poshtë dhe përrenjtë e çartallosur që dalin nga galeritë.
2. I prishur nga mendtë. Këta të çartallosur me frikë nga reforma. Të gjithë të çartallosur, të armatosur. Vjen përqark në shtëpi si i çartallosur.
3. I vëngër; vëngarash.
✱Sin.: kokëkrisur, i vëngër, vëngarash, çartan.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë