Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
DÝLL/Ë,~I m. 1. Lëndë e butë me ngjyrë të verdhë a të bardhë me të cilën bletët bëjnë hojet. Dyllë i verdhë (i bardhë). Dyllë i kuq lëndë me ngjyrë të kuqe, që bëhet nga përzierja e rrëshirës ose e dyllit me lëndë të tjera minerale, që ngurtësohet shpejt dhe që përdoret zakonisht për të vulosur diçka. Dyllë artificial. Dyllë parketi (për dysheme) lëndë e butë për të lyer dërrasat e dyshemesë. Dylli i hojeve (i bletëve). Dyllë për dhëmbë. Pite (bukë) dylli. Letër dylli letër e posaçme, e lyer me një shtrese të hollë dylli, që shërben për të shumëfishuar një tekst të shtypur në makinë shkrimi. Lule dylli (bot.). Dylli bëhet si të duash; kukumjaçkë e dallëndyshe. (fj. u.). Nuse prej lecke, dhëndër prej dylli. (fj. u.).
2. Rrëshira e disa drurëve (si kumbulla, qershia, kajsia etj.); lëngu i trashë si rrëshirë që nxjerr në krye kokrra e fikut kur piqet mirë. Dylli i kumbullës (i qershisë). Sëmundja e dyllit (bot.) sëmundje që u bie disa pemëve (kumbullës, qershisë etj.) dhe që i bën t'u kullojë vende-vende rrëshirë nga trungu.
3. Lënda e butë që mbush kokrrat e drithërave përpara se të piqen plotësisht. Në fazën e dyllit. Është në dyllë gruri (thekra). Kanë rënë në dyllë të lashtat.
4. Lëndë e yndyrshme në ngjyrë të verdhë, që krijohet në kanalin e veshit nga disa gjendra dhjamore; makrosë. Dylli i veshit. I ka zënë veshi dyllë.
5. bised. Ajka e leshit. Dylli i leshit.
♦ U bë dyllë në fytyrë (dikush) u zbeh krejt, u zverdh shumë, u irnos; u bë limon në fytyrë; u bë lule kungulli; u bë ftua në fytyrë; u bë labot krahin. *Bukë dylli. U ndërroj dyllin e veshëve shaka. i pajtoj, i vëllazëroj dy veta që janë grindur mes tyre.
PAJT/ÓJI vep., ~ÓVA, ~ÚAR 1. kal. Bëj që të kenë përsëri marrëdhënie të mira a miqësore dy a më shumë veta që i mbanin mëri njëri-tjetrit ose që ishin grindur. I pajtuan të dy shokët. Ndërhynë për t’i pajtuar. Pajtuan gjaqet (etnogr.) ndërhynë që të pushonte gjakmarrja ndërmjet dy familjeve.
2. kal. Sheshoj kundërtitë ndërmjet dy a më shumë pikëpamjeve, tezave, qëndrimeve etj., i afroj që të përputhen. Përpiqej t’i pajtonte pikëpamjet (qëndrimet) e të dyja palëve.
3. bised., kal. E bëj të pushojë së qari; e qetësoj; i lehtësoj dhembjen. E pajtoi fëmijën (motrën e vogël). Pajtoi vajin. I pajtoi zemrën (shpirtin). I pajtoi plagët.
4. jokal., kryes. v. III Shkon a përshtatet me diçka tjetër, përputhet; pajtohet. Ngjyra që pajtojnë njëra me tjetrën. Veprime që pajtojnë. Në këtë pikë pajtojnë.
5. bised., jokal. Bie në një mendje me dikë, arrij në një zgjidhje të përbashkët me dikë, bie në ujdi, merrem vesh. Pajtoi me të vëllanë (me prindërit, me të motrën me kolegët).
✱Sin.: paqësoj, paqoj, miqësoj, riafroj, ndreq, vëllazëroj, bashkoj, rregulloj, puq, përputh, përshtat, qetësoj, ujdis.
VLLAZN/ÓJ vep., ~ÓVA, ~ÚAR kal. Vëllazëroj.
VËLLAZN/ÓJ vep., ~ÓVA, ~ÚAR kal. Vëllazëroj.
VËLLAZËRÍM,~II m. 1. Veprimi kur vëllazëroj a vëllazërohem. Vëllazërimi i kombeve (i palëve). Vëllazërim pas mosmarrëveshjeve. Vëllazërim me njëri-tjetrin.
2. Gjendja kur krijohen marrëdhënie vëllazërore ndërmjet palëve a ndërmjet dy personave. Frymë vëllazërimi. Vëllazërimi i shqiptarëve jashtë atdheut.
3. përmb. Vëllazëri.
✱Sin.: vëllazëri, pajtim.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë