Fjalori

Rezultate në përkufizime për “uthullirë”

Mëso si ta përdorësh
<<< Kthehu te kërkimi kryesor në fjalor

GJUHUSTËR

GJUHÚST/ËR,~RA f. sh. ~RA, ~RAT [GJUHÚSHT/ËR,~RA f. sh. ~RA, ~RAT] shar. Grua a vajzë që flet shumë e me thumba, që përgojon njerëzit, që sulmon me fjalë therëse.
✱Sin.: bistër, uthullirë, thartiçkë.

THARTIRË

THARTÍR/Ë,~AI f. sh. ~A, ~AT 1. Shije e thartë e diçkaje; ajo që i jep shije të thartë diçkaje; tharti. I heq thartirën. I vinte era thartirë.
2. Lëng a lëndë e thartë që i shtiem gjellës ose diçkaje tjetër për t'i dhënë shije të thartë; gjellë, pije etj. e thartë ose e thartuar. I hedh thartirë gjellës. S'ka thartirë. S'i ha thartirat. Janë bërë thartira. Më vjen një thartirë nga stomaku.
3. kim. Lëndë kimike që shërben për të thartuar një lëndë të caktuar.
4. mjek. Ndjenja e djegies që krijohet në pjesën e poshtme të gjoksit, që përcillet me shije të thartë në grykë dhe gojë.
✱Sin.: athëtirë, tharti, tharbëti, uthullim, uthullirë.

UTHULLIRË

UTHULLÍR/Ë,~A f. 1. Diçka që është thartuar, që ka shijen dhe erën e uthullës; thartirë. Qenka uthullirë kjo verë. Bie erë uthullirë.
2. sh. ~A, ~AT bot. Uthullishte.
3. fig. Grua e thartë nga goja, grua gjuhustër.
✱Sin.: thartirë, uthullishte, thartore, gjuhustër.

UTHULLISHTE

UTHULLÍSHT/E,~JA f. sh. ~E, ~ET [UTHULLÍSHT/~Ë, ~A f. sh. ~A, ~AT] bot. (lat. Rumex acetosella) Barishte me gjethe më të vogla se të lëpjetës e mjaft të tharta; lëpjetë lepuri.
✱Sin.: thartore, uthullaç, uthullaçkë, uthullare, uthullicë, uthullirë, uthullnike.

UTHULLNIKE

UTHULLNÍK/E,~JA f. sh. ~E, ~ET bot. (lat. Rumex acetosella) Uthullishte.
✱Sin.: uthullishte, thartore, uthullaç, uthullaçkë, uthullare, uthullicë, uthullirë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë