Fjalori

Rezultate në përkufizime për “ujësoj”

Mëso si ta përdorësh
<<< Kthehu te kërkimi kryesor në fjalor

HIDRATOJ

HIDRAT/ÓJ vep., ~ÓVA, ~ÚAR biol., kal. Ngop me ujë organizmin e një qenieje të gjallë; ujësoj kund. çhidratoj.

LËNGËSHTOJ

LËNGËSHT/ÓJ vep., ~ÓVA, ~ÚAR 1. kal. E kthej në gjendje të lëngët diçka; lëngëzoj. Lëngështoj plumbin. Lëngështoj oksigjenin.
2. kal. E lag me ujë diçka. E lëngështoi duhanin.
3. jokal., vet. v. III Mbushet gjithë lëng, i hipën ujthi (për drurët); mbushet me lëng, ujësohet, lëngështohet (për pemët etj.). Lëngështojnë pemët (drurët). Lëngështon molla (dardha, pjepri).
4. jokal., vet. v. III Nxjerr bula të vogla uji, kullon nga pak, qan. Lëngështon muri (shpella). Lëngështon plaga (varra). Lëngështon druri kur digjet.
✱Sin.: lëngësoj, lëngëzoj, ujësoj, lag, spërkas, njom, ujësohet, bulon, bulëzon, kullon, rrjedh, qan.

LËNGËSOJ

LËNGËS/ÓJ vep., ~ÓVA, ~ÚAR 1. kal. E bëj të rrjedhë lëng, e tret nga gjendja e dendur në të lëngët, lëngëzoj. Vapa e lëngësoi mjaltin.
2. E zbut dhe e bëj të qullët diçka, squll. E lëngësoi brumin. I lëngësoi lëkurët.
3. jokal. Lëngështoj3. Lëngësojnë pemët (drurët). Lëngësojnë në pranverë.
✱Sin.: lëngëzoj, zbus, squll, lëngështoj, ujësoj.

LËNGËZOJ

LËNGËZ/ÓJ vep., ~ÓVA, ~ÚAR 1. kal. E kthej në gjendje të lëngët diçka të ngurtë a të gaztë, e bëj të lëngshëm. Lëngëzoj kallajin.
2. jokal. Lëngështoj3. Lëngëzoi dardha.
3. jokal., vet. v. III Nxjerr bula të vogla uji, kullon nga pak, qan.
4. kal. dhe jokal. Bëj që t'i lëshojë goja lëng; i lëshon lëng. Ia lëngëzoi gojën dikujt. I lëngëzonte goja.
✱Sin.: lëngësoj, lëngështoj, ujësoj, bulon, bulëzon, kullon, rrjedh, qan, cikon.

UJËSOJ

UJËS/ÓJ vep., ~ÓVA, ~ÚAR 1. kal. Kthej në gjendje të lëngët diçka të ngurtë a të gaztë, lëngëzoj. Ujësoj plumbin. Ujëson gazin.
2. jokal., vet. v. III. Nxjerr bula a pika të vogla uji, bulëzon nga pak, buron nga pak; kullon, nxjerr lëng (për një plagë, për bimët). Ujëson muri. Ujëson plaga. Ujësojnë pjeshkët.
✱Sin.: lëngëzoj, lëngësoj, lëngështoj, bulëzon, kullon.

ÇUJËSOJ

ÇUJËS/ÓJ vep., ~ÓVA, ~ÚAR kal., fizio. Bëj që të ulet niveli i ujit në një organizëm, dehidratoj; kund. ujësoj. Alkooli e çujëson trupin.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë