Fjalori

Rezultate në përkufizime për “tymtë”

Mëso si ta përdorësh
<<< Kthehu te kërkimi kryesor në fjalor

GAZTË

GÁZTË (i, e) mb. Që ka vetitë e gazit; që është në gjendje gazi, që është gaz. Trup i gaztë. Lëndë e gaztë. Në gjendje të gaztë.
✱Sin.: i gaztë, gazor, i tymtë.

MARRTË

MÁRRTË (i, e) mb. 1. I dobët, i veshur si me mjegull, i zbehtë, i paqartë (kryesisht për dritën a fotografinë); i lëbyrtë. Dritë e marrtë. Fotografi e marrtë.
2. Që nuk është i tejdukshëm, i veshur, i turbullt (zakonisht për xhamin, qelqin a pllakat). Qelq i bardhë e i marrtë. Xham i marrtë xham qorr, xham akull. Pasqyrë e marrtë pasqyrë që nuk pasqyron qartë, që duket si e veshur. Pllakat jepnin një ndriçim të marrtë.
3. fig. Që nuk kuptohet mirë, i paqartë. U përgjigj me një zë të lodhur e të marrtë. Përdorte një gjuhë të marrtë në letrat e tij.
4. fig. I ngathët.
✱Sin.: i dobët, i veshur, i zbehtë, i paqartë, i lëbyrtë, i patejdukshëm, i turbullt, i hirtë, i mugët, i tymtë, i ngathët.

MJEGULLT

MJÉGULLT (i, e) mb. 1. Që është i veshur me mjegull, që ka mjegull; i mjegulluar. Kohë (ditë) e mjegullt. Qiell i mjegullt. Mëngjes i mjegullt.
2. fig. Që është i paqartë, i errët e i pakuptueshëm; që nuk është i përcaktuar qartë ose plotësisht i vërtetë a i përpiktë, i vagët; i turbullt. Përfytyrim i mjegullt. Kujtime të mjegullta. Ndjenjë e mjegullt. Premtime të mjegullta. Përgjigje e mjegullt.
✱Sin.: i mjegulluar, i avullt, i tymtë, i paqartë, i errët e i pakuptueshëm, i vagët, i vagëlluar, i vagullt, i turbullt, i mugët.

PAPËRCAKTUAR

PAPËRCAKTÚAR (i, e) mb. 1. Që nuk është përcaktuar, jo i përcaktuar; që nuk dihet me përpikëri; kund. i përcaktuar. Numër i papërcaktuar. Datë e papërcaktuar. Moshë e papërcaktuar. Pikë (vend) i papërcaktuar. Drejtim i papërcaktuar. Diagnozë e papërcaktuar.
2. Që nuk është përpunuar e vendosur mirë, që nuk ka synime të qarta; që nuk është i prerë; i lëkundshëm, i pasigurt; kund. i përcaktuar. Qëndrim i papërcaktuar. Qëllime të papërcaktuara. Masa (detyra) të papërcaktuara. Përgjigje e papërcaktuar.
3. Që nuk dihet mirë se çfarë është ose nga vjen, i turbullt, i mjegullt; kund. i përcaktuar. Ndjenjë e papërcaktuar. Shqetësim i papërcaktuar.
✱Sin.: i pacaktuar, i lëkundshëm, i pasigurt, i papërcaktueshëm, i pacaktueshëm, i errët, i turbullt, i mjegullt, i paqartë, i fshehtë, i pashprehje, i pangjyrë, i papërpunuar, i pavendosur, i dyshimtë, i tymtë.

TYMTË

TÝMTË (i, e) mb., bised. 1. Që është i veshur si me tym, i mjegullt, i errësuar. Xham i tymtë. Qiell i tymtë.
✱Sin.: i gaztë, i veshur, i marrtë, i errësuar, i mjegullt.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë