Fjalori

Rezultate në përkufizime për “tungjatjeta”

Mëso si ta përdorësh
<<< Kthehu te kërkimi kryesor në fjalor

HE

HE pasth. 1. Përdoret si thirrje kur i drejtohemi dikujt ose kur shprehim gëzim a krenari, kur qesëndisim etj. He, ku ishe? He, sa u gëzova atë ditë! Tungjatjeta, he burra! Si u gdhitë, he djem! He, e djegtë flaka! He, he, s'kemi gjë në trastë! He, çfarë djali ka.

JUNGJATJETA

JUNGJATJÉTA pasth. Përshëndetje që përdoret kur takohen dy a më shumë veta, me kuptimin ‘Ju ngjattë jeta!’; tungjatjeta. Jungjatjeta, burra!

NGJATJETA

NGJATJÉTA pasth., bised. Tungjatjeta. - Ngjatjeta o miq!

NGJATJETIM

NGJATJETÍM,~I m. Përshëndetje duke i thënë tjetrit “tungjatjeta”.

NGJATJETOHEM

►NGJATJET/ÓHEM jovep., ~ÓVA (u), ~ÚAR vetv. Përshëndetem me dikë duke i thënë «tungjatjeta». U ngjatjetuam rrugës.

NGJATJETOJ

NGJATJET/ÓJ vep., ~ÓVA, ~ÚAR kal. 1. Përshëndet, i them «tungjatjeta»; pres me përshëndetje. Ngjatjetoi mikun (shokun). Ngjatjetoi me dorë në zemër.
2. bised. Përshëndet dikë kur arrin një sukses etj. ose ka një gëzim a të mirë në shtëpi; uroj, përgëzoj. I ngjatjetoi për fitoren. E ngjatjetoi për çmimin që mori.
✱Sin.: përshëndes, uroj, përgëzoj.

PËRNGJITJE

PËRNGJÍTJ/E,~A f. sh. ~E, ~ET 1. Veprimi kur përngjit ose kur përngjitet diçka.
2. gjuh. Bashkimi i dy a më shumë fjalëve të veçanta dhe formimi i një fjale të vetme, si rrjedhim i përdorimit të tyre të gjatë pranë njëra-tjetrës; mënyrë fjalëformimi, me anë të së cilës formohen fjalë të reja nga shkrirja në një njësi të vetme e dy a më shumë fjalëve që përdoren gjatë pranë njëra-tjetrës. Përbërja dhe përngjitja. Përngjitjet në gjuhën shqipe.
3. gjuh. Fjalë e formuar me këtë mënyrë, fjalë e përngjitur (p.sh. atëherë, dymbëdhjetë, medoemos, menjëherë, ndonjëherë, tungjatjeta etj.).
✱Sin.: ngjitje, bashkëngjitje, pranëvënie, pranëvendosje, përngjizje.

TJETA

TJÉTA pasth., bised. Shkurtim i fjalës “tungjatjeta”. Tjeta, burra!

TUNG

TUNG pasth., bised. 1. Tungjatjeta!
2. Mirupafshim; me të mira, shëndet, tumirëmbeç! Tung, burra!

TUNGJATJETA

TUNGJATJÉTA pasth. Përdoret me kuptimin “T’u zgjattë jeta!” Tungjatjeta, të dashur miq! Tungjatjeta, si je?

TUNGJATJETOJ

TUNGJATJET/ÓJ vep., ~ÓVA, ~ÚAR kal. Përshëndes dikë duke i thënë “Tungjatjeta!”. Tungjatjetoi burrat në odë dhe zuri vend.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë